Չինաստանում երեխան լույս աշխարհ է եկել պտղապարկի մեջ (տեսանյութ)

Չինաստանի Ֆուցզյան նահանգի Ֆուչժոու քաղաքում երեխան լույս աշխարհ է եկել 36-րդ շաբաթում, պտղապարկի մեջ՝ կեսարյան հատման միջոցով: Փոքրիկը սկսել է շնչել ծնվելուց 2 րոպե անց, երբ բժիշկները պատռել են պարկն ու մաքրել նրա շնչուղիները:

Բժիշկները 36-ամյա կնոջը կեսարյան հատում են արել, քանի որ պտուղը նստած դիրքով է եղել: Բացի դա, պորտալարը փաթաթված է եղել երեխայի պարանոցի շուրջ: Փոքրիկի կյանքը չվտանգելու համար բժիշկները որոշում են կայացրել նրան արգանդից դուրս հանել պտղապարկը չվնասելով:

Արհեստական բեղմնավորման միջոցով ծնված տղան կշռել է 2,5 կգ: Այժմ նրա կյանքին վտանգ չի սպառնում, գրում է DailyMail-ը: