Ֆրանսիան մտադիր է կանգնեցնել Սիրիայում Թուրքիայի գործողությունները
Ֆրանսիան ավելի շատ ջանք կներդնի Թուրքիայի գործողությունները Սիրիայի հյուսիս-արևելքում կանգնեցնելու համար: Այս մասին տեղեկացնում է РИА Новости-ն` հղում անելով «Ֆրանս պրես» գործակալությանը:
Ֆրանսիայի պաշտպանության և ազգային անվտանգության խորհուրդը նախագահ Էմանուել Մակրոնի նախագահությամբ նիստ է անցկացրել, որից հետո Ելիսեյան պալատը հայտարարություն է տարածել:
«Ֆրանսիան կավելացնի իր դիվանագիտական ջանքերը «Իսլամական պետության» դեմ պայքարում միջազգային կոալիցիայի իր դաշնակիցների հետ սերտ համակարգմամբ՝ Եվրամիության, ՆԱՏՕ-ի և ՄԱԿ-ի Անվտանգության խորհրդի շրջանակում: Քայլեր կձեռնարկվեն Սիրիայում գտնվող ֆրանսիացի զինծառայողների և քաղաքացիների անվտանգության համար, ինչպես նաև շտապ հումանիտար արձագանքման ծրագիր կընդունվի: Նաև քայլեր կձեռնարկվեն Ֆրանսիայի ազգային անվտանգությունը պաշտպանելու ուղղությամբ: Ֆրանսիան ամենավճռական կերպով դատապարտում է Թուրքիայի հարձակումը»,- ասված է հայտարարության մեջ:
Մակրոնը նիստի ժամանակ հայտարարել է, որ Թուրքիայի գործողությունները կարող են հանգեցնել ողբերգական հումանիտար հետևանքների, տարածաշրջանում «Իսլամական պետության» ազդեցության վերականգնմանը և Սիրիայի հյուսիս-արևելքում իրավիճակի ապակայունացմանը:
Հաշվի առնելով այս ամենը՝ Ֆրանսիան իր առաջնահերթությունը պետք է համարի տարածաշրջանում «Իսլամական պետության» չեզոքացումը:
Հիշեցնենք, որ հոկտեմբերի 9-ին Թուրքիան հայտարարել է Սիրիայում ռազմական գործողության մեկնարկի մասին, որի արդյունքում երկիրն արդեն հարվածներ է հասցրել սիրիական Թել Աբյադ, Ռաս էլ Այն քաղաքներին ու այլ բնակավայրերի: Նպատակը տարածքը «ՔԱԿ-ի ահաբեկիչներից մաքրելն է», այնտեղ անվտանգության գոտի ստեղծելն ու 3-4 միլիոն սիրիացի փախստականներին այնտեղ բնակեցնելը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար