ՄԱԿ-ի ԱԽ-ում չեն կարողացել համաձայնեցնել Սիրիայում թուրքական ռազմական գործողության վերաբերյալ հայտարարությունը՝ ՌԴ-ի և ԱՄՆ-ի պատճառով
ՄԱԿ-ի Անվտանգության խորհրդի անդամները հինգշաբթի՝ հոկտեմբերի 10-ին կայացած դռնփակ նիստում չեն կարողացել համաձայնեցնել Սիրիայում Թուրքիայի ռազմական գործողությունների վերաբերյալ համատեղ հայտարարությունը: Այս մասին տեղեկացնում է Interfax.ru-ն:
Նիստի ընթացքում տեսակետներն այնքան են տարբերվել մեկը մյուսից, որ համատեղ հայտարարության հաստատումը դարձել է անհնար:
Ըստ թուրքական «Անադոլու» գործակալության՝ ԱՄՆ-ն և Ռուսաստանը հրաժարվել են ընդունել համատեղ հայտարարությունը: Ռուսաստանի և ԱՄՆ-ի ներկայացուցիչները, մասնավորապես, համաձայն չեն եղել հայտարարության մեջ Թուրքիայի գործողություններին վերաբերող հատվածում տեղ գտած «դատապարտում» բառի հետ:
Նիստի արդյունքում եվրոպական մի շարք երկրների մշտական ներկայացուցիչները տարածել են իրենց համատեղ հայտարարությունը, որում կոչ են արել Թուրքիային դադարեցնել ռազմական գործողությունները:
Իր հերթին, ամերիկյան կողմն ավելի մեղմ դիրքորոշում է զբաղեցրել և սահմանափակվել է հայտարարությամբ, որ ԱՄՆ-ն չի աջակցում Թուրքիայի այս քայլին: ՄԱԿ-ում ԱՄՆ մշտական ներկայացուցիչ Քելի Քրաֆթը հիշեցրել է, որ Վաշինգտոնը որևէ կերպ չի խրախուսել Թուրքիայի ռազմական գործողությունը Սիրիայում:
Իր հերթին, ՄԱԿ-ում Ռուսաստանի մշտական ներկայացուցիչ Վասիլիյ Նեբենզյան հայտարարել է, որ Սիրիայի հյուսիսում Թուրքիայի ռազմական գործողության ընթացքում բոլոր կողմերին անհրաժեշտ է զսպվածություն դրսևորել:
Հոկտեմբերի 9-ին Թուրքիան սկսել է իր «Խաղաղության ակունք» անվանումով ռազմական գործողությունը Սիրիայի հյուսիսում՝ բազմաթիվ զրահատեխնիկա և օդուժ կիրառելով սահմանի երկայնքով: Թուրքական բանակին աջակցում է «Սիրիայի ազատ բանակ» զինված խմբավորումը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար