«Նրանք վատագույններից վատագույնն են». Թրամփը հաստատել է, որ ԱՄՆ-ն Սիրիայից դուրս է բերել ԻՊ-ի առավել վտանգավոր 2 ահաբեկչի
ԱՄՆ նախագահ Դոնալդ Թրամփն այսօր՝ հոկտեմբերի 10-ին, հաստատել է լուրը, ըստ որի ԱՄՆ-ն Սիրիայից դուրս է բերել «Իսլամական պետություն» ահաբեկչական խմբավորման երկու առավել վտանգավոր ահաբեկչի: Այս մասին տեղեկացնում է ՏԱՍՍ-ը:
«Այն դեպքում, եթե Թուրքիան կամ քրդերը կորցնեն իրավիճակի կառավարումը, մենք արդեն դուրս ենք բերել ԻՊ-ի երկու զինյալների, որոնք հայտնի են Beatles անվամբ և կապված են Սիրիայում մի շարք գլխատումների հետ, և տեղափոխել ենք նրանց պահպանվող վայր, որը հսկվում է ԱՄՆ-ի կողմից: Նրանք վատագույններից վատագույնն են»,- գրել է նա իր Twitter-ի էջում:
Դեռևս չորեքշաբթի CNN-ը տեղեկացրել էր, որ արաբա-քրդական «Սիրիայի ժողովրդավարական ուժեր» զինված կոալիցիան ԱՄՆ-ին է փոխանցել ԻՊ-ի երկու բրիտանացի զինյալների՝ Ալեքսանդր Կոտիին և Աշ-Շաֆի Էլշեյխին: Այս բրիտանացիները եղել են խմբավորման Beatles ջոկատի անդամներ: Նրանց մեղադրում են 27 գերիների, այդ թվում՝ ամերիկացի լրագրողներ Ջեյմս Ֆոուլիի և Սթիվեն Սոթլոֆի սպանության համար: Այս ջոկատն իր անվանումը ստացել է բրիտանական առոգանության պատճառով:
Նշվում էր, որ ամերիկյան կողմը պատրաստվում է ահաբեկիչներին տեղափոխել ԱՄՆ՝ պատասխանատվության ենթարկելու համար:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...
Երևանում մի քանի փողոցներում կփոխվի երթևեկության կազմակերպումը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար