Խաչատուրյան քույրերը ցույց են տվել, թե ինչպես են սպանել իրենց հորը (տեսանյութ)

Ռուսական լրատվամիջոցները հրապարկել են Մոսկվայում իր դուստրերի կողմից սպանված 57-ամյա Միխայիլ Խաչատուրյանի տանը քննիչների անցկացված փորձի տեսանյութը:

РЕН ТВ հեռուստաալիքի հրապարակած կադրերում աղջիկները ցույց են տալիս, թե ինչպես են կատարել սպանությունը: Կրտսեր և միջնեկ քույրերը խոստովանում են, որ նրան մեջքի կողմից են մոտեցել, երբ նա քնած էր բազկաթոռին:

«Նա (կրտսեր քույրը) հասցրել է առաջին հարվածը, նա արթնացել է, այնուհետև ես հարվածեցի մուրճով, չեմ հիշում՝ մեկ, թե երկու անգամ», - պատմել է միջնեկ քույրը՝ Անգելինան:

Վիրավոր Միխայիլ Խաչատուրյանը վեր է կացել և սկսել հարցեր տալ, թե ինչ է կատարվում: Դրանից հետո մեղադրյալները զանգահարել են ոստիկանություն և շտապ օգնություն են կանչել:

Անգելինան ընդգծել է, որ իրենք նախապես չեն որոշել, թե ով ինչ պետք է անի և պահի տակ են գործել: Միևնույն ժամանակ ավագ քույրը նրանց փորձել է հետ պահել և մինչև վերջին պահը հրաժարվել է մասնակցել հանցագործությանը:

Ենթադրաբար, աղջիկները հորը սպանել են, երբ նա հերթական անգամ հարձակվել է կրտսեր քրոջ վրա:

Հիշեցնենք, որ մեծ հնչեղություն ստացած սպանությունը տեղի է ունեցել անցյալ տարվա հուլիսի 27-ին: Հունիսին ՔԿ-ն քույրերի դեմ վերջնական խմբագրմամբ մեղադրանք էր առաջադրել՝ «Նախնական պայմանավորվածությամբ մի խումբ անձանց կողմից իրականացված սպանություն» հոդվածով: Այս հոդվածով նրանց սպառնում է մինչև 20 տարվա ազատազրկում: Նշվում է, որ Միխայիլ Խաչատուրյանը տարիներ շարունակ երեք քույրերին ենթարկել է ֆիզիկական բռնության և հոգեբանական ճնշումների:

Այսօր ավելի վաղ համացանցում հայտնվել էր Միխայիլ Խաչատուրյանի կողմից դստեր` Անգելինա Խաչատուրյանի վրա հարձակման հետևանքները ցուցադրող լուսանկարը:

Սեպտեմբերի վերջին Կոմսոմոլսկայա պրավդան հրապարակել էր Մոսկվայում իր դուստրերի կողմից սպանված Միխայիլ Խաչատրյանի հեռախոսում առկա տեսանյութը, որում երևում է, թե ինչպես է հայրը նվաստացնում աղջիկներին և հարվածում նրանցից մեկին։

Այս թեմայով Գլխավոր դատախազությունը հրաժարվել է հաստատել Խաչատրյան քույրերի գործով մեղադրական եզրակացությունը ՌԴ ՔԿ-ն ներկայացրել է Խաչատուրյան քույրերի հոգեբանական փորձաքննության արդյունքները ՌԴ Քննչական կոմիտեն ավարտել է հոր սպանության համար մեղադրվող Խաչատուրյան քույրերի գործի քննությունը Խաչատուրյան քույրերի պաշտպանները ցանկանում են, որ գործը քննի երդվյալ ատենակալների դատարանը Միխայիլ Խաչատուրյանը դուստրերից մեկին բռնությամբ սեռական մերձեցման է պարտադրել. նոր մանրամասներ