Ստրասբուրգում աշխատանքն է սկսել ԵԽԽՎ աշնանային նստաշրջանը
Սեպտեմբերի 30-ին Ստրասբուրգում աշխատանքն է սկսել ԵԽԽՎ աշնանային նստաշրջանը:
Երեքշաբթի՝ հոկտեմբերի 1-ին, ԵԽԽՎ-ում ելույթ կունենա Ֆրանսիայի նախագահ Էմանուել Մակրոնը եւ կպատասխանի խորհրդարանականների հարցերին:
Ֆրանսիայի եվրոպական հարցերով պետքարտուղար Ամելի դե Մոնտշալենը հաղորդում կներկայացնի Նախարարների կոմիտեի անունից, իսկ Մարիա Պեյչինովիչ Բուրիչը, որը վերջերս ընտրվել է Եվրոպայի խորհրդի գլխավոր քարտուղար, կդիմի Վեհաժողովին:
2019 թվականին մարդու իրավունքների ոլորտում երեք թեկնածուներից ընտրված Վացլավ Հավելի անվան մրցանակի դափնեկրի անունը կհայտարարվի այսօր ավելի ուշ: Մրցանակը կհանձնվի լիագումար նիստում հատուկ արարողության ժամանակ:
Վեհաժողովը նստաշրջանի ընթացքում իր ուշադրությունը կկենտրոնացնի այնպիսի հարցերի վրա, ինչպիսին են՝ տեղեկատվության պաշտպանությունը, օմբուդսմենի ինստիտուտների համար ընդհանուր ստանդարտները, ահաբեկչության զոհերի պաշտպանությունը, ինչպես նաեւ հրեական մշակութային ժառանգության պահպանումը: ԵԽԽՎ-ն կքննարկի կլիմայական փախստականների եւ Արեւելյան Եվրոպայում աշխատանքային միգրացիայի մասին զեկույցները, ինչպես նաեւ մանկաբարձական եւ գինեկոլոգիական բռնության մասին զեկույցը:
Օրակարգում են նաեւ Մոլդովայում ժողովրդավարական ինստիտուտների գործառնության եւ Հյուսիսային Մակեդոնիայի հետ հետմոնիթորինգային երկխոսության մասին հաշվետվությունները, ինչպես նաեւ ավելի ինկլյուզիվ հասարակության զարգացման մեջ ԵԽ Զարգացման բանկի ավանդի մասին զեկույցը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Երևանում մի քանի փողոցներում կփոխվի երթևեկության կազմակերպումը
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...