Ժակ Շիրակի ընտանիքը չի ցանկացել, որ Լը Պենը ներկա գտնվի Ֆրանսիայի նախկին նախագահի հիշատակին նվիրված արարողությանը
«Ազգային միավորում» կուսակցության առաջնորդ Մարի Լը Պենը չի մասնակցի երկուշաբթի կայանալիք պաշտոնական արարողությանն ի հիշատակ Ֆրանսիայի նախկին նախագահ Ժակ Շիրակի նախագահի ընտանիքի կամքով, հաղորդում է ՌԻԱ Նովոստի-ն:
Շիրակի հիշատակին նվիրված պաշտոնական արարողությունը, որին ներկա են լինելու Ֆրանսիայի նախագահ էմանուել Մակրոնն ու 30 այլ պետությունների ղեկավարները, տեղի կունենա երկուշաբթի Փարիզի Սեն-Սյուլփիս եկեղեցում:
Ավելի վաղ Լը Պենը բարձրաձայնել է այդ արարողությանը ներկա գտնվելու մտադրության մասին: Կիրակի Ֆրանս Պրես գործակալությունը՝ հղում կատարելով Շիրակի ընտանիքին մոտ գտնվող աղբյուրին, հաղորդել է, որ նախկին նախագահի հարազատները չէին ցանկանա, որ Լը Պենը ներկա լիներ արարողության ժամանակ:
«Մեծ ցավով մենք տեղեկացել ենք, որ Շիրակի ընտանիքը հրաժարվել է հարգել հանրապետական սովորույթները, որոնք թույլ են տալիս ֆրանսիացիների ընտրած բոլոր ներկայացուցիչներին ներկա գտնվել նախկին նախագահի հիշատակի արարողությանը»,-թվիթերյան գրառում է կատարել Լը Պենը, որը Ֆրանսիայի Ազգային ժողովի պատգամավոր է:
Շիրակը կյանքից հեռացել է սեպտեմբերի 26-ին 86 տարեկան հասակում: Նա զբաղեցրել է Ֆրանսիայի նախագահի պաշտոնը 1995-2007 թվականներին: Երկուշաբթի՝ սեպտեմբերի 30-ին, հայտարարվել է ազգային սգո օր Ժակ Շիրակի հիշատակի պատվին: Ֆրանսիայի նախկին առաջնորդի հուղարկավորությունը տեղի կունենա Փարիզում Մոնպարնաս գերեզմանատանը իր ավագ դստեր՝ Լորանսի կողքին:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Երևանում մի քանի փողոցներում կփոխվի երթևեկության կազմակերպումը
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...