Էրդողանը Թրամփին առաջարկել է Ս-400-ի հետ մեկտեղ Patriot գնել

Թուրքիայի նախագահ Ռեջեփ Թայիփ Էրդողանը հայտնել է, որ ամերիկացի գործընկեր Դոնալդ Թրամփին առաջարկել է Patriot համակարգեր ձեռք բերել՝ ռուսական Ս-400 ԶՀՀ-ի գործարքին նման պայմաններով, փոխանցում է Reuters-ը:

«Մենք չենք կարող ասել, որ F-35-ի խնդիրն ամբողջությամբ լուծվել է, բայց ես նրանց իմ առաջարկը ներկայացրել եմ,- ասել է Էրդողանը: - Ես Թրամփին ասել եմ՝ մենք կարող ենք ձեզնից Patriot գնել՝ Ս-400-ի հետ միասին, իսկ նա պատասխանել է՝ եթե լուրջ եք վերաբերվում, ապա եկեք այդ ուղղությամբ աշխատենք»,- նշել է Էրդողանը՝ հայտարարելով, որ լուրջ է տրամադրված:

Նշենք որ ԱՄՆ-ն F-35 կործանիչների մշակման եւ արտադրման ծրագրից Թուրքիային հանել է ռուսական համակարգերը ձեռք բերլուց հետո:

Թուրքական շուկաները ուշադիր հետեւում են Էրդողանի ուղեւորությանը՝ հայտնաբերելու այն բանի նշանների առկայություն, որ ՆԱՏՕ-ի դաշնակիցների հանդիպումը կարող է վերացնել Ս-400 գործարքի պատճառով ԱՄՆ պատժամիջոցների սպառնալիքները:

CNN Turk-ը հայտնել է, որ Անկարայում ԱՄՆ դեսպանը վերջերս հայտարարել էր ազատ առեւտրի հնարավոր համաձայնագրի մասին, որը կներառեր Թուրքիայի մասնակցություն F-35 ծրագրին, ինչպես նաեւ Patriot-ի գնում:

Սակայն հնարավոր համաձայնագրի մասին հարցին պատասխանելիս Էրդողանն ուրբաթ ասել էր, որ 2 երկրները այդպիսի համաձայնագրի մանրամասներ չեն քննարկել, եւ հավելել էր, որ այս խնդիրը Թուրքիայի եւ ԱՄՆ առեւտրի նախարարությունների միջեւ է: