Լուկաշենկոն հայտարարել է, որ պատրաստ է Դոնբաս խաղաղապահներ ուղարկել
Բելառուսի նախագահ Ալեքսանդր Լուկաշենկոն հայտարարել է Դոնբաս խաղաղապահներ ուղարկելու և ռուս-ուկրաինական սահմանի այդ հատվածը վերահսկողության տակ առնելու պատրաստակամության մասին, գրում է РИА Новости-ն:
«Եթե ուզում եք, որ մենք վերահսկողություն իրականացնենք Ուկրաինայի և Ռուսաստանի միջև գտնվող 400 կիլոմետրանոց սահմանի նկատմամբ, որը չի վերահսկվում ուկրաինական իշխանությունների կողմից, մենք պատրաստ ենք դա անել: Չնայած ինձ համար մեծ խնդիր է ներքաշվել այդ կոնֆլիկտի մեջ, այնուամենայնիվ, մենք պատրաստ ենք այնտեղ, երկու կողմերի համաձայնության դեպքում, խաղաղապահներ, սահմանապահներ, զորքեր տեղակայել»,- ասել է Լուկաշենկոն ուկրաինական լրատվամիջոցներին տված մամուլի ասուլիսի ժամանակ:
Բելառուսի ղեկավարը նշել է, որ կողմ է «միասնական և չմասնատված Ուկրաինա» գաղափարին, իսկ Դոնբասում կոնֆլիկտի կարգավորման համար անհրաժեշտ է անցնել կոնկրետ գործողությունների, քանի որ վերջին տարիներին տարածաշրջանում իրավիճակը շատ է փոխվել:
Լուկաշենկոն հավելել է, որ եթե Ուկրաինայի նախագահը լիներ, հնարավոր ամեն ինչ կաներ` կոնֆլիկտը կարգավորելու համար, իսկ նախկին նախագահ Պորոշենկոյին մեկ անգամ չէ, որ «նախատել» է կոնֆլիկտը հարթելու ցանկություն չունենալու համար: Լուկաշենկոյի կարծիքով` «շահագրգիռ» անձինք Դոնբասում իրավիճակն օգտագործել են` Մոսկվայի վրա ճնշում գործադրելու համար:
Լուկաշենկոն, այնուամենայնիվ, նշել է, որ Մինսկը մտադիր չէ «պարտադրել» խաղաղապահների տեղակայման գաղափարը, սակայն պատրաստ է ձեռնամուխ լինել խնդրի կարգավորմանը, «եթե նրան խնդրեն այդ մասին»:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Երևանում մի քանի փողոցներում կփոխվի երթևեկության կազմակերպումը
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...