Բրեքզիթի դեպքում Շոտլանդիան մտադիր է մնալ Եվրամիության կազմում
Բրեքզիթի դեպքում Շոտլանդիան մտադիր է մնալ Եվրամիության կազմում: Այս մասին հայտարարել է Շոտլանդիայի կառավարության առաջին նախարար Նիկոլա Ստերջենը Բեռլինում կայացած մամուլի ասուլիսի ժամանակ: Նա հույս է հայտնել, որ Մեծ Բրիտանիան չի լիքի ԵՄ-ը: Իսկ եթե դա տեղի ունենա, Ստերջենի խոսքով, Շոտլանդիան հնարավորություն կունենա դառնալ ԵՄ անդամ անկախ երկիր, հաղորդում է DW-ը:
Ստերջենը կարծիք է հայտնել, որ ռիսկը բավականին մեծ է, որ Մեծ Բրիտանիան առանց համաձայնագրի դուրս կգա ԵՄ կազմից: «Մենք կշարունակենք կոշտ բրեքզիթի դեմ պայքարը, անհրաժեշտ է հասնել ԵՄ-ից Մեծ Բրիտանիայի դուրսբերման ժամկետի երկարաձգմանը»,- շարունակել է քաղաքական գործիչը:
Նա նաեւ կողմ է արտահայտվել արդեն 2020 թվականին Շոտլանդիայում կրկնակի հանրաքվե անցկացնելուն: Քաղաքական գործիչը նշել է, որ դա ժողովրդավարական որոշում կլիներ, քանի որ հաշվի առնելով փոփոխված հանգամանքները՝ հանրաքվեն կարող է այլ ելք ունենալ:
2014-ին հանրաքվեի ժամանակ շոտլանդացիների 55 տոկոսը դեմ է քվեարկել Մեծ Բրիտանիայից անկախացմանը: 2016-ի ամռանը բրեքզիթի հարցով հանրաքվեի ժամանակ Շոտլանդիայի բնակիչների 62 տոկոսը կողմ է արտահայտվել ԵՄ-ում անդամակցությանը: 2017-ի մարտին Շոտլանդայի խորհրդարանն աջակցել է անկախության մասին նոր հանրաքվեի անցկացումը, սակայն ավելի ուշ Ստերջենը հրաժարվել է դրանից՝ հայտարարելով, որ նախ պետք է հասկանա՝ ինչ պայմաններում է ընթանալու բրեքզիթը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...