Կլիմայի փոփոխությունը կարող է ապագա պատերազմների պատճառ դառնալ. Բիլ Գեյթս
Ամերիկան վերջապես սկսում է գիտակցել կլիմայի գլոբալ փոփոխության վտանգը, գրում է HighTech+-ը՝ հղում անելով Guardian-ին:
CBS News-ի անցկացրած հարցման համաձայն՝ ԱՄՆ բնակիչների երկու երրորդը կլիմայի փոփոխությունը համարում է կամ ճգնաժամ կամ լուրջ խնդիր, իսկ մեծամասնությունը վստահ է, որ դրա լուծման համար անհրաժեշտ է շուտափույթ լուծումներ գտնել:
«Հեգնանքն այն է, որ «Սեւ Աֆրիկայի» երկրները պատասխանատու են գլոբալ տաքացման համար առնվազն 1%-ով»,- ասել է Miscorosft-ի հիմնադիր Բիլ Գեյթսը Quartz-ին տված հարցազրույցում:
Նա ասել է, որ կլիմայի փոփոխությունը վնաս կհասցնի գյուղատնտեսությանն ու բնակչությանը հատկապես էկվատորիալ Աֆրիկայում: Գլոբալ տաքացման հետեւանքներն են սննդամթերքի պակասն ու սովը, ինչը կտրուկ կմեծացնի քաղաքացիական հուզումների հավանականությունը:
Նման շղթայական արձագանքի օրինակ կարող ենք տեսնել Սիրիայում: Սիրիայում հակամարտություն սկսվեց 2011թ., երբ երկու խոշորագույն քաղաքներում փողոցային անկարգությունները լայնամասշտաբ պատերազմի վերածվեցին: Սակայն հաճախ հաշվի չի առնվում այն, որ դրանից առաջ երկիրը տառապում էր պատմության մեջ ամենալուրջ ցամաքումից: Դրա հետեւանքով տուժեց գյուղատնտեսությունը, ավելի քան 1,5 մլն մարդ ստիպված եղավ տեղահան լինել: Որոշ գիտնականներ կարծում են, որ հենց դա էր հակամարտության պատճառը:
Գեյթսի կարծիքով՝ աֆրիկյան շատ երկրներ կարող են կրկնել Սիրիայի ճակատագիրը:
«Ասում են՝ քանի որ Սիրիայի գյուղատնտեսությունը ցածր արտադրողականություն ուներ, դա կանխորոշեց երկրի անկայունությունը: Սակայն եթե վերցնենք աֆրիկյան երկրների օրինակը, որտեղ հուզումների դեպքում ագրոմշակութային խնդիրներ կծագեն, արդյունքը բավականին սարսափելի կլինի»,- ասել է նա:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...