Իսրայելում սկսվել են երկրի պատմության մեջ առաջին կրկնակի խորհրդարանական ընտրությունները
Իսրայելի պատմության մեջ առաջին կրկնակի խորհրդարանական ընտրություններում քվեարկելու համար երեքշաբթի ընտրական տեղամասերը բացվել են տեղական ժամանակով 07:00-ին: Դրանց արդյունքներով կորոշվի 22-րդ գումարման Կնեսեթի կազմը, ինչպես նաեւ պետք է ձեւավորվի կառավարական կոալիցիա եւ վարչապետ նշանակվի, փոխանցում է ՏԱՍՍ-ը:
Հրեական պետության տարածքում շուրջ 10,5 հազար տեղամաս կա, խոշոր քաղաքներում դրանք բաց կլինեն 07:00-ից մինչեւ 22:00, ոչ մեծ բնակավայրերում, ինչպես նաեւ հիվանդանոցներում, բանտերում եւ քննչական մեկուսարաններում՝ 08:00-ից մինչեւ 20:00: Իշխանությունների տվյալներով՝ Իսրայելում այս ընտրություններին կքվեարկի 6,3 մլն մարդուց ավելի:
Իսրայելում կրկնակի խերհրդարանական ընտրությունների անցկացման պատճառն այն է, որ ապրիլի 9-ի նախորդ ընտրություններից հետո վարչապետ Բենիամին Նեթանյահուն չկարողացավ իրեն օրենքով հատկացած 42-օրյա ժամկետում պայմանավորվել կոալիցիա ստեղծելու մասին, որը կվերահսկեր 21-րդ գումարման Կնեսեթի 120 տեղից անհրաժեշտ նվազագույն 61-ը: Արդյունքում՝ պատգամավորների երդմնակալությունից ուղիղ մեկ ամիս հետո նա նախաձեռնեց եւ խորհրդարանում անցկացրեց բարձրագույն օրենսդիր մարմնի ինքնալուծարման մասին օրենքը: Հենց այդ ժամանակ էլ սեպտեմբերի 17-ին նշանակվեցին կրկնակի խորհրդարանական ընտրությունները:
Ընտրություններին մասնակցելու համար գրանցվել են շուրջ 3 տասնյակ կուսակցություններ, սակայն սոցիոլոգներին հավատալու դեպքում՝ ընտրական 3,25 տոկոս շեմը հաղթահարելու հույս կարող են ունենալ 12-ից պակասը: Հանրային կարծիքի վերջին հարցումների համաձայն՝ ինչպես ապրիլի 9-ի ընտրություններից առաջ, հաղթելու հիմնական հավակնորդներն են Նեթանյահուի «Լիկուդ» կուսկացությունը եւ «Կախոլ-Լավան» («Սպիտակ-երկնագույն» դաշինք, որն այսպես է անվանվել ըստ իսրայելական դրոշի գույների) կուսակցությունների ցենտրիստական դաշինքը՝ իսրայելական բանակի Գլխավոր շտաբի նախկին ղեկավար Բենի Գանցեմի գլխավորությամբ:
Էքսիթփոլերի արդյունքները կհրապարակվեն 22:00-ին տեղամասերը փակելուց անմիջապես հետո, իսկ ձայների հաշվարկի առաջին պաշտոնական տվյալները սպասվում են մի քանի ժամ անց: Մեկ շաբաթ հետո Իսրայելի նախագահ Ռեուվեն Ռիվլինը Կնեսեթ անցած կուսակցությունների ներկայացուցիչների հետ խորհրդակցություններից հետո պետք է պատգամավորներից մեկին հանձնարարի ստեղծել կառավարական կոալիցիա: Վարչապետի թեկնածուն, որպես կանոն, պատգամավորական մանդատների ամենամեծ թվով կուսակցության առաջնորդն է, սակայն նախագահը կարող է կառավարության ձեւավորումը հանձնարարել նաեւ քաղաքական գործչի, ում կուսակցությունը չի ստացել ամենամեծ թվով ձայներ, բայց որը դրա հետ մեկտեղ ի վիճակի է ձեւավորել կայուն կոալիցիա, որը կվերահսկի խորհրդարանում գոնե նվազագույն մեծամասնությունը՝ 61 տեղ:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Անտարկտիդայում հայտնաբերված առաջին դինոզավրի ոսկորը գտել են դարակում
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...