Ասանժը կմնա բանտում, քանի դեռ քննվում է նրա արտահանձնման հարցը
Wikileaks-ի հիմնադիր Ջուլիան Ասանժը կմնա բանտում, քանի դեռ քննարկվում է նրա արտահանձնման հարցը։ Այսպիսի որոշում է կայացրել Լոնդոնի Վեսթմինստեր շրջանի դատարանը, հայտնում է ՌԻԱ Նովոստին։
Ապրիլին Ասանժին բանտ էին նստեցրել՝ գրավի դիմաց ազատման կանոնները խախտելու համար։ Միաժամանակ դատարանը քննում է նրան արտահանձնելու ԱՄՆ-ի հայցը, որի հետ կապված լսումները տեղի կունենան փետրվարի 25-ին։ Ավելի վաղ պաշտպանները հայտնել էին, որ Wikileaks-ի հիմնադիրը կարող է սեպտեմբերի 22-ին ազատ արձակվել։
«Դուք այսօր կանգնած եք դատարանի առջեւ, քանի որ ձեր կալանավորման ժամկետը մոտենում է ավարտին։ Երբ դա տեղի ունենա, դուք կվերածվեք պատիժը կրող դատապարտյալի, որին սպառնում է արտահանձնումը։ Ես կարծում եմ, որ ունեմ էական հիմքեր համոզված լինելու, որ եթե ես ձեզ ազատեմ, դուք նորից կթաքնվեք»,- ուրբաթ օրը, կարդալով դատավճիռը, ասել է դատավոր Վանեսա Բարայտսերը։
Նրա խոսքերով, պաշտպանական կողմը գրավի դիմաց ազատելու հայց չի ներկայացրել։
Հոկտեմբերի 18-ին արտահանձնման դատական գործընթացի ժամանակ պաշտպանական կողմը պետք է դատարանին ներկայացնի փորձագիտական եզրակացություններ եւ փաստեր։ Հոկտեմբերի 21-ին տեղի կունենան տեխնիկական լսումներ հիմնական գործընթացի օրակարգի վերաբերյալ։ Մինչեւ դեկտեմբերի 14-ը ամերիկյան կողմը պետք է ներկայացնի արտահանձնման համար փաստարկներ։ Ասանժի պաշտպանները մինչեւ 2020թ․ հունվար պետք է առարկություններ պատրաստեն։ Փետրվարի վերջին դատարանը պետք է վճռի արտահանձնմանը խոչընդոտող փաստարկների առկայությունը կամ բացակայությունը։
Դրանից հետո գործը կուղարկվի ՆԳ նախարարին, որը երկու ամիս կունենա վերջնական որոշում կայացնելու համար, սակայն ժամկետն անհրաժեշտության դեպքում կարող է երկարաձգվել։ Ասանժի փաստաբաններն ասում են, թե գործը կարող է տարիներով ձգվել։
Wikileaks-ի հիմնադիրը 2010թ․ Շվեդիայում մեղադրվել է սեռական ոտնձգությունների եւ բռնաբարության համար։ Նա 2012թ․ հունիսից թաքնվում էր Լոնդոնում Էկվադորի դեսպանատանը՝ խուսափելով արտահանձնումից։ 2019թ․ ապրիլի 11-ի առավոտյան նրան կալանավորել են ԱՄՆ-ի հայցով։ Լոնդոնի դատարանը նրան մեղավոր է ճանաչել գրավի դիմաց ազատ արձակվելու պայմանները խախտելու համար եւ դատապարտել է 11 ամսվա բանտարկության։ Արտահանձնման վերաբերյալ լսումները սկսվել են մայիսի 2-ին։
ԱՄՆ իշխանությունները մայիսի վերջին հայտնել էին, որ Ասանժին լրտեսության եւ գաղտնի տեղեկատվություն բացահայտելու նոր 17 մեղադրանք են ներկայացրել։ Նախկինում նրան մեղադրում էին մեկ կետով՝ դավադրությամբ համակարգիչ կոտրելու մեջ։ Ասանժին ԱՄՆ-ինհանձնելու դեպքում նրան բազմամյա ազատազրկում է սպառնում։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Երևանում մի քանի փողոցներում կփոխվի երթևեկության կազմակերպումը
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...