Էդին Ջեկո․ Շատ ուրախ եմ, որ Հենրիխ Մխիթարյանը տեղափոխվել է «Ռոմա»
Ֆուտբոլի Բոսնիա-Հերցեգովինայի հավաքականի ավագ, իտալական «Ռոմայի» հարձակվող Էդին Ջեկոն Երեւանում տեղի ունեցած ասուլիսում պատասխանել է լրագրողների հարցերին։ Եվրոպայի առաջնության ընտրական մրցաշարի 6-րդ տուրում Բոսնիայի թիմը կհյուրընկալվի Հայաստանի հավաքականին։
«Սպասում էի, որ առաջին հարցերը Մխիթարյանի մասին կլինեն: Շատ ուրախ եմ, որ Հենրիխը տեղափոխվել է «Ռոմա»: Ակումբում նա ինձ կօգնի իր փոխանցումներով: Սակայն, հուսով եմ, որ վաղը նա իր մակարդակի վրա չի լինի:
Անգլիայից Իտալիա տեղափոխվելը հեշտ չէ, քանի որ Անգլիայում ավելի արագ են խաղում, իսկ Իտալիայում ավելի շատ տակտիկական պայքար է ընթանում: Սակայն, չեմ կարծում, որ Մխիթարյանն ադապտացիայի հետ կապված խնդիրներ կունենա: Ամբողջ թիմով կօգնենք իրեն այդ հարցում, որպեսզի Մխիթարյանը շուտ հարմարվի և օգուտ տա մեր ակումբին:
Լիխտենշտեյնի դեմ խաղից հետո ամբողջ թիմով դիտեցինք Իտալիա - Հայաստան հանդիպումը: Եթե չլիներ կարմիր քարտը, իտալացիների համար շատ ավելի դժվար կլիներ: Հայերը շատ չոր են գործում պաշտպանությունում և լավ են հակագրոհում»,- նշեց Էդին Ջեկոն:
Երեւնում հանդիպումը տեղի կունենա սեպտեմբերի 8-ին եւ կմեկնարկի 17։00-ին։
Սարաեւոյում Բոսնիայի թիմը հայ ֆուտբոլիստներին հաղթել է 2։1 հաշվով։
Սամվել Սուքիասյան
Ֆոտո՝ Էմմա Ասատրյան
NEWS.am SPORT
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են