Կոնգրեսականները Թրամփին կոչ են անում հասցեական պատժամիջոցներ սահմանել ռուս պաշտոնյաների նկատմամբ
ԱՄՆ երկու բարձրաստիճան կոնգրեսականներ կոչ են անում նախագահ Դոնալդ Թրամփին հասցեական պատժամիջոցներ սահմանել ռուսաստանցի այն պաշտոնյաների հանդեպ, որոնք պատասխանատու են մոսկովյան հանրահավաքները ցրելու համար:
«Վերջին շաբաթների ցույցերը հերթական ապացույցն են, որ Ռուսաստանի ժողովուրդը հոգնել է նախագահ Պուտինի բռնապետական կառավարումից», - Սպիտակ տուն ուղարկված նամակում պնդել են Ներկայացուցիչների պալատի արտաքին հարաբերությունների հանձնաժողովի նախագահ Էլիոթ Էնգելն ու Կոնգրեսում Տեքսասի ներկայացուցիչ Մայքլ ՄըքՔոլը:
Հայտարարությունից ժամեր առաջ ռուսաստանցի հատուկ ջոկատայինները ներխուժել էին ընդդիմադիր առաջնորդ, Կրեմլի քննադատ Ալեքսեյ Նավալնու գրասենյակ, երեք աշխատակիցների բերման ենթարկել, ապա ազատ արձակել՝ առանց որևէ պարզաբանման:
«Կրեմլի արձագանքը վկայում է, որ Պուտինը պատրաստ է ծայրահեղ միջոցների դիմել՝ քաղաքական այլակարծությունը ճնշելու համար», - փաստել են ամերիկացի կոնգրեսականները:
Ընդդիմության դեմ ճնշումները սկսվել են հուլիսի կեսերից, երբ տասնյակ հազարավոր մարդիկ փողոց դուրս եկան՝ պահանջելով թույլ տալ անկախ թեկնածուների գրանցումը առաջիկա կիրակի Մոսկվայում կայանալիք տեղական ընտրություններում: Մինչ օրս ընդհանուր առմամբ ձերբակալվել է շուրջ 3 հազար ցուցարար, տասնյակ ընդդիմադիր գործիչներ էլ կալանավորվել են զանգվածային անկարգություններ կազմակերպելու համար:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...