Հենրիխ Մխիթարյան. Կփորձենք անել առավելագույնը և պատվով հանդես գալ
ԵՎՐՈ-2020-ի ընտրական փուլի J խմբի Հայաստան-Իտալիա հանդիպումից առաջ նախախաղային ասուլիս տվեց նաև Հայաստանի հավաքականի ավագ Հենրիխ Մխիթարյանը.
Նոր ակումբ տեղափոխության մասին խոսելիս Մխիթարյանն ասաց.
«Ամեն ինչ տեղի ունեցավ վերջին օրը: «Տոտենհեմի» հետ խաղից հետո զանգ ստացա գործակալիս կողմից ու ասաց, որ պետք է մեկնեմ Հռոմ բուժզննման:
Կարծում եմ՝ շատ լավ հնարավորություն է ինձ համար, քանի որ «Արսենալում» շատ հանդիպումներ չէի անցկացնում ու որոշեցի տեղափոխվել մի թիմ, որտեղ մարզիչն ավելի շատ վստահ կլինի ու կօգտագործի իմ որակները: Դա է պատճառը, որ տեղափոխվեցի «Ռոմա»:
2012 թվականին Հայաստանի ընտրանին մրցել է Իտալիայի հետ: Երևանում կայացած խաղում էլ Մխիթարյանը դարձավ գոլի հեղինակ.
«Այդ տարիներից հետո մեծ փոփոխություններ են եղել: 2012 թվականին էր վերջին խաղը, որ անցկացրել ենք Իտալիայի հետ: Նրանց կազմն է փոխվել, մարզիչը, խաղային փիլիսոփայությունը: Այդ տարիների ու ներկայիս հավաքականները տարբեր են: Այս ընտրանին գնդակով ավելի շատ է սիրում խաղալ: Գիտենք, որ ցանկացած ժամանակ կարող են գոլ խփել, այդ պատճառով կփորձենք վերահսկել գնդակը: Կփորձենք անել առավելագույնը և պատվով հանդես գալ»:
Իտալիայի հավաքականի՝ խմբի առաջտար լինելու մասին կարծիքին, մեր թիմի ավագը պատասխանեց.
«4 խաղից հետո 4 հաղթանակ ունեն, կարելի է ասել, որ մեր խմբի ամենաուժեղ թիմն է: Մնացած հավաքականներն էլ, նույնիսկ մենք կփորձենք պայքարել երկրորդ տեղի համար, քանի որ գիտակցում ենք, որ այս խմբում հեշտ մրցակիցներ չկան: Կփորձենք անել առավելագույնը և մրցակցել բոլորի հետ»:
Իր մարզավիճակի մասին խոսելիս՝ Մխիթարյանն աասաց.
«Վաղն ավելի լավ կերևա, թե ինչպիսի մարզավիճակում եմ: Պատրաստ եմ 100 տոկոսով: Ֆուտբոլ չեն խաղում միայն ոտքերով, այլ նաև ուղեղով եթե ստիպես քեզ, որ պետք է խաղաս 90 րոպե և ավելի, ապա ամեն ինչ էլ հնարավոր է: Ճիշտ է՝ հնարավոր է, որ «Արսենալի» կազմում նախորդ խաղերում 90 րոպե չեմ անցկացրել, բայց կարող եմ ասել, որ մարզումներն անցկացրել եմ ամբողջությամբ ու արել եմ ավելին, քան հարկավոր էր»:


















































Ո՞ւմ է ուզում ԱԺ նախագահ դարձնել Փաշինյանը
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Հռիփսիմե Հունանյանը հրաժարական է ներկայացրել ԱԺ Առողջապահության հարցերի հանձնաժողովի նախագահի պաշտոն...
Հունվարը 27-ը սահմանվեց Հայրենիքի պաշտպանության համար զոհվածների հիշատակի օր. ՀՀ Նախագահը ստորագրել ...
TRIPP նախագծի շրջանակում մենք նոր տրանսպորտային միջանցք կստեղծենք. Ալիև
Եվրախորհրդարանի շենքի մոտ զանգվածային բողոքի ցույցեր են տեղի ունեցել
Ես նրանց կջնջեմ երկրի երեսից, եթե uպառնալիքները շարունակվեն. Թրամփն՝ Իրանին
Վաշինգտոնը և Կիևը Դավոսում չեն ստորագրի Ուկրաինայի հետպատերազմյшն վերականգնման վերաբերյալ 800 միլիար...
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Իրանի վերաբերյալ ԵՄ արտաքին գործերի խորհուրդը նոր որոշումներ կկայացնի