Ղրղզստանում կալանք է դրվել Աթամբաեւի կառուցած մզկիթի վրա
Բիշքեկի Պերվոմայսկի շրջանային դատարանը կալանք է դրել Ղրղզստանի նախկին նախագահ Ալմազբեկ Աթամբաեւի կառուցած մզկիթի վրա, ՌԻԱ «Նովոստի»-ին տեղեկացրել են հանրապետության գլխավոր դատախազության մամուլի ծառայությունում։
Ինչպես ճշտել են վերահսկող մարմնում, նախկին նախագահի դեմ հարուցված քրեական գործերի հետաքննության շրջանակում զինվորական դատախազությունը պարզել է, որ «Ապրիլի 7-ի հերոսների» մզկիթը կառուցվել է Աթամբաեւի կողմից։ Իսկ տեղամասը, որտեղ գտնվում է այն, գրանցված է «Ֆորում» գիտաարտադրական ընկերության անունով, որը փաստորեն պատկանում է Աթամբաեւին։
«Պերվոմայսկի շրջանային դատարանի վճռով վերոնշյալ գույքի վրա կալանք է դրվել»,- ասել են մամուլի ծառայությունում։
Գլխավոր դատախազության տվյալներով՝ ներկայում քննությունը փորձում է պարզել դրամական միջոցների աղբյուրը, որոնցով պետության նախկին ղեկավարը կառուցել է մզկիթը։
Ղրղզստանի հատուկ ծառայություններն օգոստոսի 7-8-ին իրականացրին Աթամբաեւին մայրաքաղաքից 20 կիլոմետր հեռու գտնվող Քոյ-Թաշ գյուղում գտնվող նրա տանը կալանավորելու գործողություն։ Նրանք նախկին նախագահի կողմնակիցների դեմ կիրառեցին հատուկ միջոցներ։ Աթամբաեւի կողմնակիցները պատասխան կրակ բացեցին։ Առաջին օրը նախկին նախագահին բռնել չհաջողվեց։ Աթամբաեւի կողմնակիցները գերի վերցրին վեց հատուկջոկատայինի։ Հաջորդ օրը նախկին նախագահի կողմնակիցների եւ ուժայինների բախումները վերսկսվեցին եւ շարունակվեցին մինչեւ առավոտ, չնայած այն բանին, որ նախկին նախագահը հանձնվել էր ուժայիններին։ Հատուկ գործողության ժամանակ, առողջապահության նախարարության տվյալներով, տուժեց 136 մարդ։ Մեկ հատուկջոկատային՝ Ուսեն Նիյազբեկովը, զոհվեց։
Ղրղզստանի խորհրդարանական ամենամեծ կուսակցության՝ սոցիալ-դեմոկրատների առաջնորդ Աթամբաեւը իշխանությունն իր հաջորդին եւ մերձավոր զինակցին՝ Սոորոնբայ Ժեենբեկովին է հանձնել 2017-ին նախագահական ընտրությունների արդյունքներով։ Սակայն շուտով նախկին նախագահի թիմի անդամների դեմ քրեական գործեր են հարուցվել։ Ինքը՝ Աթամբաեւը, զրկվել է նախկին նախագահի կարգավիճակից եւ մեղադրվել ծանր եւ առանձնապես ծանր հանցագործությունների մեջ։ Պետության նախկին ղեկավարը բազմիցս հայտարարել է, որ բոլոր մեղադրանքներն իր եւ իր կողմնակիցների հասցեին քաղաքական բնույթ են կրում։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...