Մոսկվան դեմ չէ Սիրիայի վերաբերյալ նոր ձեւաչափերին. Լավրով
Ռուսաստանը դեմ չէ Սիրիայի գծով Աստանայի եռյակի եւ փոքր խմբի ու նոր ձեւաչափերի հանդիպմանը, եթե դրանից օգուտ լինի, ասել է ՌԴ ԱԳՆ ղեկավար Սերգեյ Լավրովը, տեղեկացնում է ՌԻԱ «Նովոստի»-ն։
«Մենք, ինչպես բազմիցս ընդգծել է ՌԴ նախագահ (Վլադիմիր) Պուտինը, դեմ չենք ցանկացած հարցի շուրջ ցանկացած ձեւաչափի, գլխավորը, որպեսզի նման հանդիպումներից օգուտ լինի»,- ասել է ՌԴ ԱԳՆ ղեկավարը։
«Հիշեցնեմ, որ փոքր խմբի էմիսարները, այն է՝ մեր ֆրանսիացի եւ գերմանացի գործընկերները, Ֆրանսիայի նախագահ (Էմանուել) Մակրոնը եւ Գերմանիայի կանցլեր (Անգելա) Մերկելը անցած տարվա հոկտեմբերին նախաձեռնեցին հանդիպում Թուրքիայի եւ Ռուսաստանի հետ՝ որպես Աստանայի ձեւաչափը ներկայացնողներ, իսկ Ֆրանսիան եւ Գերմանիան նեկայացնում էին փոքր խումբը»,- նշեց նա։
Լավրովի խոսքով՝ Ստամբուլում հանդիպման ժամանակ ֆրանսիացի եւ գերմանացի գործընկերները «համառորեն կոչ էին անում Ռուսաստանին եւ Ֆրանսիային արագ օժանդակել (Սիրիայի – խմբ.) սահմանադրական կոմիտեի ձեւավորումն ավարտելուն, որն այն ժամանակ՝ անցած տարվա վերջին, արդեն գրեթե ձեւավորված էր, եւ մնում էր մի քանի անուն, եթե կոնկրետ լինենք, ապա վեց անուն»։
«Եվ երբ Ռուսաստանը եւ Թուրքիան մեր իրանցի գործընկերների աջակցությամբ ապահովեցին կառավարության եւ ընդդիմության՝ վերջնական ցուցակի մասին համաձայնությունը, հենց Սիրիայի գծով փոքր խմբի մեր գործընկերները դեմարշ նախաձեռնեցին ՄԱԿ գլխավոր քարտուղարի առջեւ... որպեսզի նրան կոչ անեն հավանություն չտալ այդ ցուցակին, քանի որ նրանց թվացել էր, թե մի քանի ազգանուններ այդ ցուցակում արժանի են, որպեսզի նրանց մի կողմ դնեն կամ փոխարինեն ուրիշներով»,- նշել է ՌԴ ԱԳ նախարարը։
«Շուտով մեկ տարի կլինի, ինչ սահմանադրական կոմիտեն կարող էր աշխատել»,- ընդգծել է Լավրովը։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...