Բրազիլիայի նախագահը Փարիզի հետ սկանդալի պատճառով կհրաժարվի ֆրանսիական BIC գրիչներից
Բրազիլիայի նախագահ Ժաիր Բոլսոնարուն ֆրանսիական BIC գրասենյակային ապրանքներ արտադրողի գնդիկավոր գրիչների օգտագործումից կհրաժարվի հօգուտ ազգային ապրանքանիշ Compactor-ի: Քաղաքական գործիչն այս մասին հայտարարել է Facebook-ում իր ամենշաբաթյա տեսահեռարձակման ժամանակ, փոխանցում է ՏԱՍՍ-ը:
«Այլեւս ոչ մի BIC, (այսուհետեւ) Compactor, որովհետեւ BIC-ը ֆրանսիական (մակնիշ) է»,- ասել է Բոլսոնարուն՝ ներկայացնելով հերթական հրամանի պատրաստումը, որը նա պետք է ստորագրի տարեվերջին:
Ավելի վաղ Բոլսոնարուն փաստաթղթերի ստորագրման հանդիսավոր արարողությունների ժամանակ բազմիցս ներկաների ուշադրությունը բեւեռում էր այն փաստի վրա, որ ամենասովորական BIC գնդիկավոր գրիչով ստորագրելով տալիս է պետական մասշտաբային վերափոխումների մեկնարկը՝ ընդ որում, որպես կանոն, անվանելով դրա արտադրողին: Ինչպես կարծում են տեղացի մեկնաբանները, քաղաքական գործիչն այս կերպ փորձում էր ցուցադրել իր համեստությունը եւ ոչ հավակնոտությունը:
Compactor-ը նույնպես առաջին անգամ չէ պետության ղեկավարի ձեռքում հայտնվում կարեւոր փաստաթղթեր ստորագրելիս: Բոլսոնարուն հունվարի սկզբին այս մակնիշի գրիչով է ստորագրել իր կառավարության նախարարների նշանակման հրամանները:
«Ֆրանսիական արտադրության» կապակցությամբ Բոլսոնարուի կարճ ռեպլիկից հետո Բրազիլիայում Ֆրանսիայի դեսպան Միշել Միրայեն շտապել է հիշեցնել, որ չնայած ֆրանսիական ծագմանը, BIC-ը Բրազիլիայի հյուսիսային նահանգ Ամազոնասի խոշորագույն գործատուներից մեկն է: «Հավանաբար, այնտեղ աշխատող հարյուրավոր մարդիկ կզարմանան, որ այս փաստը մինչեւ հիմա հայտնի չէ նախագահական աշխատակազմին»,- համացանցում նշել է դիվանագետը:
Բոլսոնարուի եւ նրա ֆրանսիացի գործընկեր Էմանուել Մակրոնի միջեւ հեռակա բանավեճը բռնկվել է անցյալ ժաբաթ այն բանից հետո, երբ եվրոպական պետության ղեկավարն առաջարկել է Բիարիցում ընթացող «Մեծ յոթնյակի» հանդիպմանը քննարկել բրազիլական Ամազոնիայում անտառային հրդեհների հետ կապված իրավիճակը: Սա հարուցել է Բրազիլիայի կտրուկ արձագանքը, որը Մակրոնի խոսքում տարածաշրջանում բրազիլական ինքնիշխանության դեմ ոտնձգություն է տեսել:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...