Հարյուրամյա վաղեմություն ունեցող նամակը կտան հեղինակի ծոռնուհուն
Նամակը, որը գրվել է 1894-ին եւ գտնվել է Տասմանիայի մայրաքաղաք Խոբարտի պետական գրադարանում 125 տարի անց, կհասցվի հեղինակի հետնորդներին, տեղեկացնում է ՏԱՍՍ-ը՝ հղում կատարելով ABC-ին։
Հյուսն Ռեքս Նայթինգեյլը աշխատում էր Խոբարտի կենտրոնական գրադարանի շինարարությունում 1960 թվականին։ Բնակելի տան քանդման ժամանակ, որը գտնվում էր շինհրապարակում, նա հայտնաբերել է մի խունացած թղթի կտոր։
«Դա նամակ էր՝ գրված Սիդնի Խալբերտի կողմից 1894-ի մայիսի 13-ին։ Հետաքրքիր էր այն, ինչ նա գրել էր հարազատներին, հավանաբար, Բրիտանիա Սիդնեյից»,- ասել է Նայթինգեյլը։ Մոտ 59 տարի նա պահել է նամակը՝ դրա մասին չպատմելով որեւէ մեկին։
«Դա, հավանաբար, նման է շշի մեջ նամակ գտնելուն, դուք կարդում եք այն եւ պահում, որովհետեւ գիտեք, որ ինչ-որ մեկի համար տողերը շատ բան են նշանակում»,- ասել է տղամարդը։ Նա նամակն առաջին անգամ ցույց է տվել դստերը՝ Քարեն Ռոբերտսին, երկու տարի առաջ, 2017-ի ամռանը, եւ ասել, որ այժմ, հավանաբար, արդեն ուշ է որոնել ինչ-որ մեկին, ով ինչ-որ բան կիմանա այդ մասին։ Սակայն Քարենը օգտվեց սոցցանցերից, որպեսզի գտնի Սիդնի Խալբերտի հարազատներին կամ Թոդ անունով մարդուն, որին հասցեագրված էր նամակը։
Քարենին օգնության եկան ավստրալական ԶԼՄ-ները. նամակը հանձնվեց հեղինակի ծոռնուհուն՝ Ռոբին Լոբին։ «Դա ասես ամպրոպ էր պարզ երկնքում, բայց հենց որ ես տեսա նամակի լուսանկարը, հասկացա, որ դա (գրվել է) պապիկիս կողմից»,- ասել է նա։
Սիդնի Խալբերտը նամակը գրելու ժամանակ 16 տարեկան է եղել։ Հայտնի չէ, թե ինչպես է նա հայտնվել Սիդնեյի Յունիոն ակումբում (այդ հասցեն նշված է նրա նամակում), քանի որ համաձայն ընտանեկան պատմության՝ նա հիմնականում աշխատել է որպես ստյուարդ ծովային նավերում։ 1901-ին նա ամուսնացել է սիդնեյցի Ջեյն Ֆլուդի հետ, բայց 12 տարի հետո թողել է կնոջը եւ մեկնել Արեւմտյան Ավստրալիա, իսկ 1916-ին մեկնել է Ֆրանսիա, Առաջին աշխարհամարտի ճակատ։ 1920-ին նա վերադարձել է Պերտ, որտեղ էլ մահացել է վետերանների տանը 1945-ին, 67 տարեկանում։
«Պարզապես հիանալի կլինի այդ նամակն ավելացնել այն իրերին, որոնք մնացել են մեզ մոտ մեր նախնիների կողմից»,- ասել է Ռոբին Լոբը։ Նամակը մոտ կես դար պահած Նայթինգեյլը նախատեսում է այն հանձնել Խալբերտի ծոռնուհուն Յունիոն ակումբում, որտեղից այն սկսել է իր երկար ճանապարհը 125 տարի առաջ։
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...