Լուկաշենկոն Ժերար Դեպարդիոյին մերձմինսկյան տարածքում հողակտոր է նվիրել
Ֆրանսիացի դերասան Ժերար Դեպարդիոն Բելառուսի նախագահ Ալեքսանդր Լուկաշենկոյի կողմից հողակտոր է նվեր ստացել։ Այն գտնվում է մայրաքաղաք Մինսկից 15 կիլոմետր հեռավորության վրա՝ Լապորովիչի գյուղում, գրում է belsat.eu-ն:
Ինչպես հայտնում են բելառուսական լրատվամիջոցները, 0,15 հեկտար մակերեսով տարածքը դերասանին տրամադրվել է անհատական բնակելի շենքի կառուցման իրավունքով և 99 տարի վարձակալման ժամկետով։ Վարձակալության տարեկան արժեքը Դեպարդիոյի համար կազմելու է 132,9 բելառուսական ռուբլի։
2017-ին Դեպարդիոն եղել է Լապորովիչիում։
«Այցի ժամանակ դերասանին շատ է դուր եկել մեր երկիրը, և նա ցանկություն է հայտնել այստեղ տուն կառուցել։ Երկրի ղեկավարի հանձնարարությամբ Ժերար Դեպարդիոյին Լապորովիչի գյուղում հողակտոր է հատկացվել։ Կարելի է ասել, որ այժմ դերասանի երազանքն իրականություն է դառնում»,- հայտնել է Պապերնյանսկի գյուղական գործադիր կոմիտեի նախագահի պաշտոնակատար Սվետլանա Ռակեցկայան։
Դեպարդիոյի հողամասը գտնվում է Լապորովիչի գյուղի Սպորտիվնայա փողոցի շրջակայքում։ Ֆրանսիացի դերասանի հարևանները հայտնի բիաթլոնիստուհի, օլիմպիական քառակի չեմպիոն Դարյա Դոմրաչևան և նրա մարզիչ Ադրիան Ցիբուլսկին են։
Դեպարդիոն մեկ անգամ չէ, որ այցելել է Բելառուս։ 2015թ-ին նա ծանոթացել է Ալեքսանդր Լուկաշենկոյի հետ․ նրանք միասին խոտ են հնձել, զրուցել են գյուղատնտեսության մասին, նախագահը դերասանին նաև ցույց է տվել «Օզերնիյ» կոչվող նստավայրը, որը գտնվում է Օստրոշիցկի կոչվող փոքրիկ քաղաքում։ Այդ ժամանակ դերասանն ասել է, որ կուզենար ապրել Բելառուսում՝ գյուղացիների կողքին, քանի որ «այնտեղ գեղեցիկ է, իսկ նախագահն էլ՝ լավ մարդ է»։
«Կարծում եմ՝ այն ամենը, ինչ ունեմ Ֆրանսիայում, կվաճառեմ։ Ես այլևս չեմ ցանկանում այդ երկրի մի մասնիկը լինել՝ չնայած ֆրանսիացիների հանդեպ իմ սիրուն»,- ասել է նա։


















































Ո՞ւմ է ուզում ԱԺ նախագահ դարձնել Փաշինյանը
Արամ Ա Վեհափառը քննարկել է Լիբանանում ստեղծված իրավիճակն ու հայ համայնքի դրությունը
Հռիփսիմե Հունանյանը հրաժարական է ներկայացրել ԱԺ Առողջապահության հարցերի հանձնաժողովի նախագահի պաշտոն...
Հունվարը 27-ը սահմանվեց Հայրենիքի պաշտպանության համար զոհվածների հիշատակի օր. ՀՀ Նախագահը ստորագրել ...
TRIPP նախագծի շրջանակում մենք նոր տրանսպորտային միջանցք կստեղծենք. Ալիև
Եվրախորհրդարանի շենքի մոտ զանգվածային բողոքի ցույցեր են տեղի ունեցել
Ես նրանց կջնջեմ երկրի երեսից, եթե uպառնալիքները շարունակվեն. Թրամփն՝ Իրանին
Վաշինգտոնը և Կիևը Դավոսում չեն ստորագրի Ուկրաինայի հետպատերազմյшն վերականգնման վերաբերյալ 800 միլիար...
Հրապարակվել է հազար խոշոր հարկատուների ցանկը. վճարված գումարները կազմել են ավելի քան 1 տրլն 946 մլրդ...
Իրանի վերաբերյալ ԵՄ արտաքին գործերի խորհուրդը նոր որոշումներ կկայացնի