Forbes-ը հրապարակել է ամենաբարձր վարձատրվող թենիսիստների ցանկը

Շվեյցարացի Ռոջեր Ֆեդերերը գլխավորում է Forbes ամսագրի հրապարակած 2019 թվականի ամենաբարձր վարձատրվող թենիսիստների ցանկը:

Ամսագրի պաշտոնական կայքի հաղորդմամբ՝ 2019 թվականին Ֆեդերերի եկամուտը կազմել է 93,4 միլիոն դոլար, որից 86-ը շվեյցարացի մարզիկը վաստակել է հովանավորչական պայմանագրերի շնորհիվ:

Երկրորդ տեղում սերբ Նովակ Ջոկովիչն է, որի եկամուտն ընթացիկ տարում կազմել է 50,6 միլիոն դոլար: Առաջատար եռյակը եզրափակում է ճապոնացի Կեյ Նիսիկորին՝ 37,3 միլիոն դոլար եկամուտով: Ռաֆայել Նադալը չորրորդն է՝ 35 միլիոն եվրո եկամուտով:

Աշխարհի ամենաբարձր վարձատրվող թենիսիստուհին Սերենա Ուիլյամսն է, որն ընթացիկ տարում ունեցել է 29,2 միլիոն դոլար եկամուտ: