Ինդոնեզիան մայրաքաղաքը կտեղափոխի Բոռնեո կղզու արեւելյան ծայրամաս

Ինդոնեզիան իր մայրաքաղաքը կտեղափոխի Բոռնեո կղզու արեւելյան ծայրամաս։ Այս մասին ասել է երկրի նախագահ Ջոկո Վիդոդոն, տեղեկացնում է AFP-ն։

Առաջադրված վայրը համարվում է տեղ, որը «նվազագույնն» է ենթարկված տարերային աղետների վտանգին։ «Տեղադրությունը ռազմավարական է, այն գտնվում է Ինդոնեզիայի կենտրոնում եւ ոչ հեռու քաղաքային շրջաններից»,- ասել է Վիդոդոն՝ նշելով, որ ներկայիս մայրաքաղաք Ջակարտայի բեռնվածությունը չափազանց մեծ է։

«Ճավայից մայրաքաղաքի տեղափոխումը միասնության ամրապնդմանն ուղղված ժեստ է»,- ասել է քաղաքական ռիսկերի գծով վերլուծաբան Քեւին Օ՛Ռուրկը։ «Ջակարտան կմնա մեգապոլիս, ֆինանսական եւ առեւտրային կենտրոն եւս մի քանի տասնամյակ, բայց վերջում այն կենթարկվի կլիմայի փոփոխության լուրջ վտանգին»,- ավելացրել է նա։

Վիդոդոյի խոսքով՝ մայրաքաղաքի տեղափոխման օրինագիծը կներկայացվի խորհրդարան։

Շինարարությունը պետք է սկսվի հաջորդ տարի եւ կարժենա 466 տրիլիոն ռուփի (33 մլրդ դոլար), տեղեկացրել են պաշտոնյաները։