«Ռուսաստանը կարող է վերադառնալ G7-ի կազմ միայն տիրոջ կարգավիճակով». Ժիրինովսկի
Ռուսաստանի լիբերալ-դեմոկրատական կուսակցության առաջնորդ, Պետդումայի պատգամավոր Վլադիմիր Ժիրինովսկին նշել է, թե Ռուսաստանն ինչ պահանջներ պետք է ներկայացնի «Մեծ յոթնյակին» իր վերադարձի համար, գրում է ria.ru-ն:
Ըտս նրա՝ ակումբ վերադառնալու պահին արդեն Ռուսաստանը կարող է դրա «տերը» դառնալ:
«Մեծ յոթնյակն» արդեն կիսով չափ կազմված է նախկիններից՝ Մերկելը շուտով հեռանալու է Գերմանիայի կանցլերի պաշտոնից, Իտալիայի վարչապետ Կոնտեն արդեն հեռացել է: Թրամփն էլ կարող է մոտ ապագայում հեռանալ: Այդ իսկ պատճառով Ռուսաստանը կարող է վերադառնալ այդ ակումբ, սակայն միայն տիրոջ կարգավիճակով»,- գրել է Ժիրինովսկին Telegram-ում:
Բացի այդ, նա կարծում է, որ անհրաժեշտ է պահանջել ակումբի այլ անդամներից դադարել սպառնալիքներ ու լարվածություն ստեղծել Ռուսաստանի շուրջ:
Ավելի վաղ The Guardian-ը գրել էր, որ ԱՄՆ նախագահը Ֆրանսիայի Բիարից քաղաքում անցկացվող G7 գագաթնաժողովում վիճել է «Մեծ յոթնյակի» իր գործընկերների հետ՝ պնդելով, որ Ռուսաստանը պետք է վերադառնա G7-ի կազմ՝ մերժելով իր այդ պահանջին դեմ հանդես եկած մյուս առաջնորդների փաստարկները:
«Մեծ յոթնյակի» բոլոր առաջնորդներից իր աջակցությունն է հայտնել միայն Իտալիայի հեռացող վարչապետ Ջուզեպպե Կոնտեն:
Ըստ հաղորդման՝ Ճապոնիայի վարչապետ Սինձո Աբեն չեզոք դիրք է պահպանել: Մյուսները՝ Մեծ Բրիտանիայի վարչապետ Բորիս Ջոնսոնը, Գերմանիայի կանցլեր Անգելա Մերկելը, Կանադայի վարչապետ Ջասթին Թրյուդոն, Ֆրանսիայի նախագահ Էմանուել Մակրոնը, Եվրախորհրդի ղեկավար Դոնալդ Տուսկը, վճռականորեն դեմ են արտահայտվել Ռուսաստանի վերադարձին:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...