ԱՄԷ-ում կինը որոշել է բաժանվել ամուսնուց, քանի որ վերջինս իրեն «չափազանց շատ» է սիրում և երբեք չի վիճում իր հետ
Արաբական Միացյալ Էմիրություններում կինն ամուսնությունից 1 տարի անց որոշել է ամուսնալուծվել այն պատճառով, որ ամուսինը «չափազանց շատ» է սիրում իրեն և երբեք չի վիճում իր հետ, գրում է Oddity Central-ը:
Կինը, որն ամուսնությունը լուծարելու խնդրանքով դատարան է դիմել, իր որոշումը պարզաբանել է այն փաստով, որ ամուսնու չափազանց շատ սերն ու ուշադրությունը «խեղդում» են իրեն: Նա դժգոհել է այն բանից, որ ամուսինը մեկ տարվա համատեղ կյանքի ընթացքում ոչ մի անգամ չի վիճել իր հետ և անգամ օգնել է իրեն տնային գործերում, ինչը, կնոջ խոսքով, դժոխային է:
«Ես երազում եմ, որ մեր միջև գեթ մեկ անգամ տարաձայնություններ ծագեն, սակայն իմ ռոմանտիկ ամուսնու դեպքում դա անհնար է թվում, նա միշտ ներում և ինձ նվերներով է ողողում: Ինձ իրական տարաձայնություն է հարկավոր, անգամ վեճ, միայն թե ոչ այսպիսի հանդարտ, հնազանդ կյանք»,- դժգոհել է կինը:
Նախնական դատական նիստի ժամանակ կնոջ ամուսինը խոստովանել է, որ ամեն ինչ արել է կնոջը հաճոյանալու համար, քանի որ իր միակ նպատակը «կատարյալ ամուսին» լինելն է եղել, ինչը, սակայն, հենց կնոջ դժգոհության պատճառն է դարձել:
«Արդարացի չէ ամուսնության մասին դատել ընդամենը մեկ տարի անց: Բոլորն էլ կարող են սովորել իրենց սխալներից»,- ասել է տղամարդը:
Հուրախություն ամուսնու՝ դատարանը հետաձգել է գործի լսումները՝ կողմերին համաձայնության գալու ժամանակ տալով:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...