Ջոնսոնը եւ Մակրոնը իրենց մաչո են երեւակայում. Ֆրանսիացի նախագահը քիչ էր մնում պոկեր բրիտանացի վարչապետի ձեռքը
Ֆրանսիայի նախագահ Էմանուել Մակրոնի հետ բրիտանացի վարչապետ Բորիս Ջոնսոնի երեկվա հանդիպումը պետք է որ ցավոտ լիներ, Daily Telegraph-ում նշում է Մայքլ Դիքոնը: Եվ խոսքը ոչ թե «բրեքսիթի» մասին է, այլ ընդամենը ձեռքսեղմման:
Մակրոնի դեպքում միշտ է այդպես: Կարեւոր չէ, թե նրան կոնկրետ որ առաջնորդն է այցելում: Ֆրանսիացի նախագահը վստահ է, որ պետք է հստակ ցույց տա, որ այստեղ տերն ինքն է: Նրա մարմնի շարժումները զարմանալի են: Նա անչափ ագրեսիվ է երեւում, անգամ երբ ցանկանում է սիրալիր թվալ, փոխանցում է BBC-ն:
Նա ագրեսիվորեն թափահարում է ձեռքերը: Նա ժպտում է, բայց նույնպես ագրեսիվորեն: Սակայն նույնիսկ Մակրոնի ստանդարտներով Ջոնսոնի հետ հանդիպումը զարմանալի էր: Նա անմիջապես բռնեց Բորիսի ձեռքը եւ սկսեց այն ոչ այնքան սեղմել, որքան ճզմել: Դժվար է հասկանալ, թե ինչպես Ջոնսոնի ձեռքը չպոկվեց:
Այս ամենը բավականին երկար տեւեց: Մակրոնը Ջոնսոնի ձեռքը սեղմում ու սեղմում էր, մինչեւ նրանք հավաքված լրագրողներից մեկ կամ երկու մետր հեռավորությամբ չհայտնվեցին: Միայն այդ ժամանակ Մակրոնը նրան բաց թողեց:
Բայց բանը դրանով չսահմանափակվեց: Հենց Բորիս Ջոնսոնը բերանը բացում էր, Մակրոնը չափից ավելի ակնդետ էր նրան նայում՝ ոչ մի անգամ աչքերը չթարթելով: Նա ժամանակ առ ժամանակ ժպտում էր, սակայն նրա ժպիտը նման էր շնաձկան բերանի, որը հենց նոր նկատել է ակներեւորեն համեղ լողորդին, հայտնում է պարբերականը:
Բայց Բորիս Ջոնսոնը չի հանձնվել: Նա նույնպես որոշեց իրեն մաչո երեւակայել՝ սեղմում էր բռունցքները, առաջ էր տանում ստորին ծնոտը եւ ավելի ու ավելի լայն էր բացում ոտքերը, այնպես, որ ինչ-որ պահի թվում էր, թե նա շուտով շպագատ կբացի: Այնպես որ՝ նման խաղեր կարող են խաղալ շատերը, նշում է հեղինակը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...