Բրազիլիայի նախագահը մեղադրել է Մակրոնին նեոգաղութատիրության համար
Բրազիլիայի նախագահ Ժայիր Բոլսոնարուն մեղադրել է իր ֆրանսիացի պաշտոնակից Էմանուել Մակրոնին նեոգաղութատիրության համար այն բանից հետո, երբ վերջինս առաջարկել է Ամազոնյան անտառներում բռնկված ռեկորդային թվով հրդեհների հարցն առաջնահերթ կարգով քննարկել «Մեծ յոթնյակի» (G7)՝ օրերս կայանալիք գագաթնաժողովին:
«Ֆրանսիայի նախագահի՝ G7 ձևաչափով առանց Բրազիլիայի և տարածաշրջանի այլ երկրների մասնակցության Ամազոնյան անտառների հարցը քննարկելու առաջարկը վկայում է 21-րդ դարում տեղ չունեցող նեոգաղութատիրական մտածելակերպի մասին»,- թվիթերյան իր էջում գրել է Բոլսոնարուն:
Նրա խոսքով՝ իր երկրի կառավարությունը պատրաստ է օբյեկտիվ տվյալների հիման վրա և փոխադարձ հարգանքի մթնոլորտում երկխոսել այդ հարցի շուրջ:
«Ցավում եմ, որ նախագահ Մակրոնը փորձում է Բրազիլիայի և Ամազոնիայի այլ երկրների ներքին գործերն օգտագործել սեփական քաղաքական շահերի համար»,- հավելել է նախագահը:
Հիշեցնենք, որ այս տարի Բրազիլիայի Ամազոնի խոնավ արևադարձային անտառներում ռեկորդային թվով՝ շուրջ 72 000 հրդեհ է գրանցվել։ Նախորդ տարվա համեմատ հրդեհների թիվն աճել է 83 տոկոսով։ Միայն վերջին շաբաթվա ընթացքում Ամազոն գետի շրջանում 9500 հրդեհ է բռնկվել: Հրդեհներից մեկի ծուխը մեկ ժամով ծածկել է Բրազիլիայի Սան Պաուլու քաղաքը, որը գտնվում է անտառից ավելի քան 2700 կմ հեռավորության վրա:
Ամազոնի խոնավ արևադարձային անտառն աշխարհում ամենամեծն է և կենսական նշանակություն ունի տարբեր գազերի արտանետումների կլանման գործում: Այն նաև աշխարհում դանդաղեցնում է գլոբալ տաքացումը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...