Կրեմլը՝ Գրենլանդիան գնելու Թրամփի ցանկության մասին. Ռուսաստանը նման միջազգային շոփինգով չի զբաղվում
Դանիայից Գրենլանդիան գնելու ԱՄՆ նախագահ Դոնալդ Թրամփի ցանկությունը Կրեմլին չի վերաբերում, Ռուսաստանը նման միջազգային շոփինգով չի զբաղվում եւ չէր ցանկանա միջամտել Վաշինգտոնի ու Կոպենհագենի հարաբերություններին, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
«Դա մեր գործը չէ, մենք նման միջազգային շոփինգով չենք զբաղվում: Այս հարցն ավելի շուտ կապված է ԱՄՆ-ի եւ Դանիայի հարաբերությունների հետ: Եթե ճիշտ ենք հասկանում, հիմա այնտեղ որոշակիորեն սեւ կատու է անցել: Բայց նորից եմ կրկնում՝ սա մեր հարցը չէ: Մենք չէինք ցանկանա միջամտել»,- ասել է Պեսկովը՝ ի պատասխան այն հարցին, թե Կրեմլն ինչպե՞ս է գնահատում Գրենլանդիան գնելու Թրամփի առաջարկը, Դանիայի մերժումը եւ սրան հաջորդած ԱՄՆ առաջնորդի կողմից երկիր այցելելու մերժումը:
Հստակեցնող հարցն այն մասին, թե Կրեմլն արդյոք Թրամփի այդ առաջարկը գնահատո՞ւմ է որպես Արկտիկայի պաշարների համար պայքարի սրման հնարավոր դրսեւորում, ՌԴ նախագահի մամուլի քարտուղարը չի մեկնաբանել, սակայն նշել է, որ Ռուսաստանը շարունակում է արկտիկական շելֆում իր իրավունքների պաշտպանության աշխատանքը: «Ես դա չեմ մեկնաբանի, միայն կասեմ, որ Ռուսաստանն իր աշխատանքն է կատարում ՄԱԿ համապատասխան ստորաբաժանումների հետ շելֆում իրավունքների պաշտպանության առումով... Կան որոշակի հաջողություններ, այդ աշխատանքը շարունակվում է, այն բացարձակապես օրինական է, համապատասխանում է միջազգային իրավունքին»,- ասել է Պեսկովը:
Ավելի վաղ լրատվամիջոցներում հրապարակումների շարք էր հայտնվել այն մասին, որ Թրամփը քննարկում է Գրենլանդիան գնելու հնարավորությունը, որը ընդարձակ ինքնավարության իրավունքներով մտնում է Դանիայի կազմի մեջ: Ավելի ուշ Թրամփն ինքը լրագրողների հետ զրույցում հաստատել էր, որ այս հարցով հետաքրքրվել է «ռազմավարական» իմաստով: Գրենլանդիայում հայտարարել էին, որ կղզին չի վաճառվում, իսկ Դանիայում հույս էին հայտնել, որ Թրամփը կատակել է՝ վաճառքի բուն գաղափարն «անհեթեթ» անվանելով: Դրանից հետո Թրամփը Կոպենհագեն այցը չեղյալ էր հայտարարել:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...