Եգիպտացորենի դաշտում վայրէջք կատարած А321 օդանավի անձնակազմին հրավիրել են հանգիստն անցկացնելու Ղրիմում
Օգոստոսի 15-ին ՌԴ Մերձմոսկովյան շրջանի եգիպտացորենի դաշտում վթարային վայրէջք կատարած А321 օդանավի անձնակազմին հրավիրել են հանգիստն անցկացնելու Ղրիմի առողջարանային հանգստավայրերից մեկում, հայտնում է «ՌԻԱ Նովոստի» գործակալությունը՝ Յալթայի քաղաքային վարչակազմի ղեկավար Ալեքսեյ Չելպանովին հղումով:
«Յալթայի բոլոր բնակիչների անունից մենք հրավիրել ենք հերոս անձնակազմին ու նրանց ընտանիքներին հանգիստն անցկացնելու Յալթայում, և պատրաստ ենք ցուցաբերել անհրաժեշտ օգնությունն առողջարաններից մեկում նրանց տեղավորման համար: Համապատասխան հրավերով նամակն արդեն ուղարկվել է «Ուրալյան ավիաուղիներ»-ին»,- գործակալությանն ասել է Չելպանովը:
Ըստ նրա՝ Ղրիմի հարավային ափի կլիման լավ է ազդում հատկապես երկնքում շատ ժամանակ անցկացնող մարդկանց վրա:
«Զուր չէ, որ դեռ խորհրդային ժամանակներից տիեզերագնացները հենց Հարավային ափ էին գալիս իրենց ուժերը վերականգնելու համար»,- ասել է Չելպանովը:
Հիշեցնենք, որ ռուսական «Ուրալյան ավիաուղիներ» ավիաընկերության А321 օդանավը վթարային վայրէջք է կատարել Մերձմոսկովյան շրջանում՝ «Ժուկովսկի» օդանավակայանից օդ բարձրանալուց հետո:
Օդանավում գտնվել է 234 մարդ, այդ թվում՝ 7 հոգանոց անձնակազմը: Օդանավում եղել են նաև հայեր: Այն Մոսկվայից Սիմֆերոպոլ էր թռչում: Բարձրություն հավաքելու ժամանակ օդանավը բախվել է երամի, ինչի հետևանքով երկու շարժիչներն անջատվել են, քանի որ դրանցում թռչուններ են հայտնվել:
ՌԴ նախագահ Վլադիմիր Պուտինը А321 օդանավի օդաչուներին ՌԴ հերոսի կոչում է շնորհել: Մասնավորապես, օդանավի առաջին և երկրորդ օդաչուները ՌԴ հերոսի կոչում են ստացել, իսկ անձնակազմի մնացյալ անդամներն Արիության շքանշանի են արժանացել:
Ավելի վաղ լրագրողների հետ զրույցում վթարային վայրէջք կատարած А321 օդանավի առաջին օդաչու Դամիր Յուսուպովն ասել էր, որ իրեն հերոս չի համարում:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...