Քաղաքապետարանը սկսել է Ազարյանի անվան մարզադպրոցի հատակի բետոնապատումը
Ալբերտ Ազարյանի անվան մարզադպորցում շուտով կունենանք ազատ վարժությունների նոր գորգ: Քաղաքապետարանի նախաձեռնությամբ եւ աջակցությամբ արդեն տարիներ մեր պահեստային սենյակում պահվող ազատ վարժության գորգը կտեղադրվի մարզադահլիճում՝ նոր բետոնածածկ, հարթ հատակին:
Այս մասին NEWS.am Sport-ի թղթակցի հետ զրույցում ասաց սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանը:
Դեռեւս ապրիլի սկզբին Երեւանի քաղաքապետի տեղակալ Տիգրան Վիրաբյանը ֆեյսբուքյան էջում հայտնել էր, որ Ալբերտ Ազարյանի անվան մարմնամարզության մարզադպրոցի հիմնանորոգման նպատակով 2019 թվականի Երեւանի քաղաքային բյուջեից տրամադրվելու է 146 միլիոն դրամ եւ ըստ նախնական տեղեկությունների, մարզադպրոցի վերանորոգումը մեկնարկելուէր այս տարվա հունիսից:
Մարզադպորցի հիմնանորոգման աշխատանքները դեռ չեն մեկնարկել, սակայն արդեն շուրջ մեկ ամիս է մարզադպրոցի ներսում ընթանում են ազատ վարժության գորգի ապամոնտաժման, հատակի հարթեցման, բետոնապատման եւ նոր գորգը տեղադրելու աշխատանքները: Բանն այն է, որ քաղաքապետարանն այս շրջանում ֆեդերացիայի հետ քննարկում է մարզադպրոցի հիմնանորոգման հարցը:
Սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանի խոսքով, շրջանառվում եւ քննարկման փուլում է լրիվ նոր մարմնամարզության դահլիճ կառուցելու հարցը:
«Այս ամենը Երեւանի քաղաքապետարանի հետ դեռ քննարկման փուլում է: Ուսումնասիրությունների արդյունքում պարզվել է, որ Ալբերտ Ազարյանի անվան մարզադպորցը հիմնանորոգելու հետ կապված խնդիր կա, դպրոցի շենքը վթարային է: Քննարկվում է բոլորովին նոր դահլիճ կառուցելու հարցը: Մենք հակված ենք եվրոպական ստանդարտներին համապատասխան նոր դահլիճ կառուցելուն, որը կծառայի հավաքականներին: Բայց այդ ամենը հետագայի ծրագրեր են: Իսկ մինչ այդ մենք մեր մարզումները կկազմակերպենք եւ կշարունակենք Ալբերտ Ազարյանի անվան մարզադպրոցում:
Քանի որ այս ընթացքում մարզադպրոցում ամառային արձակուրդ էր, որոշեցինք օգտվել առիթից եւ վերանորոգել ազատ վարժությունների գորգը: Մենք ունենք նոր գորգ, որն արդեն երկար ժամանակ մարզադպորցի պահեստային սենյակում էր պահվում: Նախկինում առիթ ունեցել եմ ասելու, որ թույլ չեմ տալիս նոր գորգը տեղադրել, քանի որ դպրոցի հատակը ծուռ էր եւ քարուքանդ: Իսկ գորգի տակ պետք է լիներ հարթ բետոն, որպեսզի հնարավոր լիներ պահպանել ամորտիզացիան: Մենք խնդրեցինք քաղաքապետարանին ֆինանսավորել ազատ վարժության գորգի հատակի նորոգումը: Եվ ընդամենը մեկ խնդրանքով հաջորդ օրն իսկ քաղաքապետարանը ձեռնամուխ եղավ հատակի բետոնապատման աշխատանքներին: Իրենց ասած ժամկետում կավարտվի նորոգում
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Եվրամիությունը չի հասկանում Իրանում պատերազմի նպատակները. Կալաս
Հայաստանն ու Իրանն աշխատում են սահմանին երկրորդ կամրջի նախագծի վրա
Լարիջանիի սպանությունից հետո Իրանը կասետային ռումբերով հարվածել է Թել Ավիվին
ԱՄԷ նախագահն ու Սաուդյան Արաբիայի թագաժառանգը քննարկել են տարածաշրջանային զարգացումները
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մարմնամարզության տղամարդկանց հավաքականը տուն է վերադառնում
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Ղարաբաղից տեղահանվածները պետք է կապեն իրենց ապագան Հայաստանի հետ