ԵՄ-ն աշնանը կվերադառնա փողերի լվացման մեջ մեղադրվող երկրների «սև ցուցակի» կազմմանը
Եվրահանձնաժողովը (ԵՀ) պլանավորում է աշնանը վերադառնալ այն երրորդ երկրների ցուցակի հետ կապված աշխատանքին, որոնք փողերի լվացման մեջ են մեղադրվում այն բանից հետո, երբ նախորդ ցուցակը մարտին չընդունվեց ԵՄ-ի խորհրդի կողմից: Այդ մասին, ինչպես տեղեկացնում է RIA Novosti-ն, գրել է Financial Times թերթը՝ վկայակոչելով արդարադատության հարցերի եվրակոմիսար Վերա Յոուրովային:
Եվրակոմիսարը թերթին հայտնել է, որ մինչև հոկտեմբեր ԵՀ-ն նորացված մեթոդաբանություն կներկայացնի արտասահմանյան այն իրավասությունների բացահայտման համար, որոնք ի վիճակի չեն վերացնելու փողերի լվացման և ահաբեկչության ֆինանսավորման ռիսկերը: Յոուրովայի խոսքով՝ ԵՀ-ն առաջադրելու է նոր «սև ցուցակ»՝ օգտագործելով ԵՄ-ի երկրների իշխանությունների հետ համագործակցությամբ մշակված նոր մեթոդաբանությունը:
ԵՀ-ն փետրվարին ընդունել է 23 երկրներից բաղկացած նոր ցուցակ, որոնք ունեն փողերի լվացման և ահաբեկչության ֆինանսավորման դեմ ուղղված թույլ կանոններ, և Եվրամիության երկրներին առաջարկել է հավանություն տալ դրան: Ցուցակում տեղ են գտել Իրանը, Իրաքը, Սաուդյան Արաբիան, Պանաման, Լիբիան, Վիրջինյան կղզիները, Ամերիկյան Սամոան, Բահամյան կղզիները, Բոտսվանան, Հյուսիսային Կորեան, Եթովպիան, Գանան, Գուամը, Նիգերիան, Պակիստանը, Պուերտո-Ռիկոն, Սամոան, Շրի Լանկան, Սիրիան, Տրինիդադը և Տոբագոն, Թունիսը, Եմենը: Ընդ որում՝ ԵՀ-ն չէր առաջարկում արգելել տրանզակցիաները նոր ցուցակի երկրների կողմից, նա միայն հորդորել է՝ ավելի շատ ուշադրություն դարձնել դրանց կատարմանը:
Եվրամիության երկրների խորհուրդը մարտի սկզբին միաձայն մերժել է այդ ցուցակը: Դա բացատրվել Է նրանով, որ փաստաթուղթը, Խորհրդի կարծիքով, մշակվել է ոչ թե թափանցիկ և ճկուն գործընթացի շրջանակներում, որը նշված երկրներին կխթաներ՝ վճռական միջոցներ ձեռնարկել և կհարգեր լսված լինելու նրանց իրավունքը: Եվրահանձնաժողովն այժմ պետք է առաջարկի ցուցակի նոր նախագիծ:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...