Եվրահանձնաժողովի նախագահը հոսպիտալացման պատճառով չի մասնակցի G7-ի գագաթնաժողովին
Եվրահանձնաժողովի նախագահ Ժան Կլոդ Յունկերն առողջական վիճակի պատճառով չի կարողանա մասնակցել «յոթնյակի»՝ Բիարիցում կայանալիք գագաթնաժողովին: Այդ մասին, ինչպես տեղեկացնում Է «Արմենպրես»-ը, օգոստոսի 19-ին հայտարարել Է Եվրահանձնաժողովի պաշտոնական ներկայացուցիչ Նատաշա Բերտոն:
«Մենք կարող ենք հաստատել, որ նախագահ Յունկերը չի կարողանա G7-ի գագաթնաժողովին մասնակցել հոսպիտալացման կապակցությամբ: Նա առաջիկայում այդ մասին կտեղեկացնի Ֆրանսիայի նախագահ Էմանուել Մակրոնին եւ Եվրոպական խորհրդի ղեկավար Դոնալդ Տուսկին»,-հայտարարել Է նա:
Օգոստոսի 17-ին Եվրահանձնաժողովը հայտնել Էր, որ Յունկերն ստիպված Է եղել Ավստրիայում իր արձակուրդն շտապ ընդհատել հոսպիտալացման պատճառով: Նրան ուղարկել են Լյուքսեմբուրգ, որտեղ նա լեղապարկի հեռացման վիրահատության Է ենթարկվելու:
Բերտոն նաեւ նշել Է, որ Եվրահանձնաժողովը մտադիր չԷ Յունկերին փոխարինել G7-ի գագաթնաժողովում, որտեղ Եվրամիությունն ամենայն հավանականությամբ կներկայացնի միայն Դոնալդ Տուսկը:
Եվրահանձնաժողովի ղեկավարի պաշտոնում լյուքսեմբուրգցի 64-ամյա Յունկերի ժամկետը կավարտվի հոկտեմբերի 31-ին, նրան կփոխարինի գերմանուհի Ուրսուլա ֆոն դեր Լյայենը: Ավելի վաղ Յունկերն արդեն հայտարարել Էր իր մանդատի ժամկետի լրանալուց հետո քաղաքականությունից հեռանալու մտադրության մասին:
Յոթնյակի գագաթնաժողովը Ֆրանսիայի հարավում գտնվող Բիարից քաղաքում կանցկացվի օգոստոսի 24-26-ը: G7-ը նախագահող Ֆրանսիայի կառավարությունը եւ Բիարիցի քաղաքային իշխանություններն արդեն ակտիվորեն նախապատրաստվում են գագաթնաժողովի օրերին հակագլոբալիստների զանգվածային բողոքներին, հաղորդել Է ՏԱՍՍ-ը:
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...