«Ես կարոտում եմ այն». Մոուրինյոն հարցազրույցի ժամանակ չի կարողացել զսպել արցունքները (տեսանյութ)

Պորտուգալացի ֆուտբոլային մարզիչ, «Չելսի» և «Մանչեսթեր Յունայթեդ» ֆուտբոլային ակումբների նախկին գլխավոր մարզիչ Ժոզե Մոուրինյոն հարցազրույցի ժամանակ չի կարողացել զսպել արցունքները: Տեսանյութը Twitter-ում է հրապարակել Polo Maruwa անունով օգտատերը:

«Ես ուղղակի վայելել եմ դա: Երբ ես ոտք դրեցի պրոֆեսիոնալ ֆուտբոլ, հասկացա, որ այժմ ամեն ինչ լուրջ է: Սակայն այժմ ամեն ինչ ավարտվել է, և փոխարենը վայելեմ ֆուտբոլը, ես կարոտում եմ այն»,- ասել է Մոուրինյոն արցունքն աչքերին:

Մոուրինյոն ժամանակակից ֆուտբոլի ամենատիտղոսակիր մարզիչներից մեկն է: Նրա վերջին աշխատավայրը «Մանչեսթեր Յունայթեդ»-ն էր, որը նա լքել է 2018 թվականի դեկտեմբերին:

José Mourinho tears up while saying he misses football. pic.twitter.com/ZdAAGQkpKA

— Polo Maruwa (@elchaupo) August 17, 2019