13 նահանգ դատի է տվել Թրամփին
Ներգաղթյալների մասին օրենքում սկանդալային փոփոխություններն ԱՄՆ նախագահ Դոնալդ Թրամփին սպառնում են հերթական ձգձգված դատական գործընթացներով: ԱՄՆ 13 նահանգ դատի է տվել նախագահին նրա տնտեսական սեգրեգացիայի քաղաքականության պատճառով
Փաստաբանական ճակատը ղեկավարում է Վաշինգտոն նահանգի գլխավոր դատախազ Բոբ Ֆերգյուսոնը: Նրան աջակցում է նահանգապետ Ջեյ Ինսլին, որը պայքարում է նախագահական աթոռի համար: Դատական հայցի լրացման համար Ֆերգյուսոնից պահանջվել է 170 էջ, հաղորդում է Vesti-ն՝ հղում անելով The Hill-ին:
Սակայն գլխավոր մեղադրանքն այն է, որ Թրամփն ու նրա վարչակազմը գիտակցաբար առաջ են տանում միգրացիոն քաղաքականության այնպիսի փոփոխություններ, որոնցով հնարավորություն են ԱՄՆ մեկնել այլ եկրների միայն լավ ապահովված քաղաքացիները:
The Wall Street Journal պարբերականն ավելի վաղ հայտնել է, որ «թրամփյան» փոփոխությունները ենթադրում են գրին քարտի չեղարկում: Փաստացի դա կարող է նշանակել, որ ներգաղթյալների ճնշող մասը, որոնք ԱՄՆ-ում ձգտում են գոյատեւման միջոցներ փնտրել, կհայտնվեն արտաքսման շեմին:
«Եթե դու հարուստ ես, ապա բարի գալուստ, իսկ եթե աղքատ ես՝ ոչ: Այդ կանոնը հակաամերիկյան է, հակամիգրանտային եւ անօրինական»,- ասում է Ֆերգյուսոնը: Իսկ Ջեյ Ինսլին Թրամփի վարչակազմի քաղաքականությունը քսենոֆոբիա է անվանում եւ հայտարարում, որ Վաշինգտոն նահանգը չի ենթարկվի Սպիտակ տան հրամաններին:
Առաջին հայցը նախօրեին ներկայացրել է Վիրջինիա նահանգի գլխավոր դատախազ Մարկ Հերրինգը: Նրան հետեւել են հայցեր Կոլորադոյից, Դելավերից, Իլինոյսից, Մերիլենդից, Մասաչուսեթսից, Միչիգանից, Մինեսոտայից, Նեւադայից, Նյու Ջերսիից, Նյու Մեքսիկոյից եւ Ռոդ Այլենդից:
Թրամփի վարչակազմը մեկնաբանել է միգրացիոն քաղաքականության փոփոխությունների անհրաժեշտությունը ներգաղթյալների հանդեպ խնամքով: Այդուհանդերձ, այդ փոփոխությունները բազմաթիվ քննադատությունների առիթ են հանդիսանում Թրամփի քաղաքական հակառակորդների շրջանում, որոնք փորձում են ամեն կերպ թուլացնել նրա դիրքերը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...