2 նոր դրվագ՝ Ղրղզստանի նախկին նախագահի դեմ քրեական գործում
Ղրղզստանի նախկին նախագահ Ալմազբեկ Աթամբաեւի դեմ քրեական գործում 2 նոր դրվագ է հայտնվել: Այս մասին ասվում է հանրապետության գլխավոր դատախազության տարածած հաղորդագրության մեջ:
«Ռազմական դատախազության կողմից Աթամբաեւի դեմ քրեական գործերի հետաքննության շրջանակում ծանուցումներ են հանձնվել՝ մի շարք ծանր հանցանքներ իրականացնելու կասկածանքի մասին: Քննչական խումբը պետության նախկին ղեկավարին մեղադրում է Բիշքեկի ջերմաէլեկտրակայանի արդիականացման ժամանակ կոռուպցիայի, ջերմաէլեկտրակայան ածուխի անօրինական մատակարարման, ընդերքի օգտագործման համակարգում լիցենզիաների տրամադրման ժամանակ կոռուպցիայի կազմակերպման մեջ»,- ասվում է փաստաթղթում:
Անձեռնմխելիությունից զրկված Աթամբաեւը ձերբակալվել էր օգոստոսի 8-ին Քոյ-Տաշ գյուղում գտնվող իր սեփական տանը: Հաջուկջոկատայինների գրոհին հակահարված էին տվել նրա աջակիցները: Ձերբակալության օպերացիայի ընթացքում մեկ հատուկջոկատային էր զոհվել, բուժօգնության էր դիմել 100 մարդ, այդ թվում ոստիկանության աշխատակիցներ:
Ղրղզստանի գործող նախագահ Սոորոնբայ Ժեենբեկովի խոսքով՝ Աթամբաեւը խախտել է սահմանադրությունը՝ զինված դիմակայություն ցուցաբերելով ուժայինների նկատմամբ: Դատարանը ձերբակալության սանկցիա է տվել առնվազն մինչեւ օգոստոսի 26-ը, Աթամբաեւին տեղափոխել են Ղրղզստանի Ազգային անվտանգության պետական կոմիտեի քննչական մեկուսարան:
Նախկին նախագահին ծանուցում է հանձնվել իրավապահ մարմինների նկատմամբ բռնություն կիրառելու, զանգվածային անկարգություններ կազմակերպելու, մահափորձ կազմակերպելու, գերեվարում կազմակերպելու, քրեական հեղինակություն Ազիզ Բատուկաեւին բանտարկությունից ապօրինաբար ազատ արձակելու ժամանակ կոռուպցիայի, Բիշքեկի ՋԷԿ-ի վերակառուցման ժամանակ կոռուպցիայի եւ Բիշքեկում «Ֆորում» արդյունաբերական խմբի շենքի հետ կապված անօրինական գործարքի կասկածանքի մասին:
Միեւնույն ժամանակ, նախկին նախագահի փաստաբան Սերգեյ Սլեսարեւը բողոք է ներկայացրել Բիշքեկի քաղաքային դատարան՝ խնդրելով փոփոխել Աթամբաեւի նկատմամբ խափանման միջոցը: Փաստաբանը կարծում է, որ Աթամբաեւին անօրինական են ձերբակալել, քանի որ վերջինս նախկին նախագահի կարգավիճակ ունի, իսկ Աթամբաեւին անձեռնմխելիությունից զրկելու՝ խորհրդարանի որոշումը փաստաբանը հակասահմանադրական է համարում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...