Էրդողանի՝ Ս-400-երի արկածախնդրությունը, կարծես, անպատիժ է մնում
Թուրքիայի նախագահ Ռեջեփ Թայիփ Էրդողանի արկածախնդրությունը, կարծես, անպատիժ է մնում՝ գրում է Financial Times-ը՝ նկատի ունենալով ռուսական Ս-400 զենիթահրթիռային համակարգերի գնման համար Թուրքիայի դեմ ԱՄՆ-ի կողմից պատժիչ միջոցների բացակայությունը:
Այն բանից հետո, երբ Թուրքիան հուլիսին սկսել է ստանալ այդ համակարգերը, վերլուծաբաններն ասում էին, որ ԱՄՆ նախագահ Դոնալդ Թրամփը ստիպված կլինի պատժամիջոցներ սահմանել Թուրքիայի դեմ CAATSA-ի («Պատժամիջոցների միջոցով Ամերիկայի հակառակորդներին հակազդելու մասին») օրենքին համապատասխան, որով ԱՄՆ դաշնակիցներին արգելվում է Ռուսաստանից զենք գնել:
Թրամփը դադարեցրեց Թուրքիային ամերիկյան F-35 100 ինքնաթիռների մատակարարումը, միեւնույն ժամանակ, Պենտագոնը դադարեցրեց Թուրքիայի մասնակցությունը F-35 ծրագրում, ինչը հզոր հարված էր Թուրքիայի պաշտպանական ոլորտին:
Ռուսական համակարգերի մատակարարումից առաջ Էրդողանը հայտարարեց, որ Թրամփը խոստացել է պատժամիջոցներ չսահմանել Ս-400-երի կապակցությամբ: Սակայն, հաշվի առնելով այն, որ Կոնգրեսում դեմոկրատներն ու հանրապետականները ցանկանում էին պատժել Թուրքիային, եւ այնուամենայնիվ մեկ ամիս անց պատժամիջոցներ չսահմանվեցին, անսպասելի էր:
«Ոչ ոք նման արդյունքի չէր սպասում: Էրդողանը մեծ արկածախնդրության է դիմել, եւ կարծես մարսել է, դեռեւս»,- պարբերականին ասել է Միջազգային հարաբերությունների հարցերով Եվրոպական խորհրդի ավագ գիտաշխատող Ասլի Այդընտաշբաշը:
Որոշ վերլուծաբաններ կարծում են, որ Թրամփը չի ցանկանում պատժամիջոցներ սահմանել այն պատճառով, որ Թուրքիան շարունակում է ջանքեր գործադրել Սիրիայի հյուսիս-արեւելքում անվտանգության գոտի ստեղծելու ուղղությամբ, ինչը, ինչպես ակնկալում են ԱՄՆ-ում, կկանխի տարածաշրջանում քրդական անկլավի վրա Թուրքիայի հարձակումը:
Անցած շաբաթ 2 դաշնակիցները հայտարարեցին, որ անվտանգության գոտու ստեղծման շուրջ համաձայնության են հասել: «Ամերիկյան սպառնալիքները հիմնականում դատարկ խոսքեր են: Թուրքիան եւս մեկ անգամ խաղադրույք կատարեց իր ռազմավարական նշանակության վրա, եւ, կարծես, հաղթեց»,- կարծիք է հայտնել Ստամբուլի համալսարանի միջազգային հարաբերությունների պրոֆեսոր Սոլի Օզելը:
FT-ը նշում է, որ երկու կուսակցությունները ձգտում են օրինագիծ մշակել, որը նախագահին կստիպի պատժել Թուրքիային, երբ Կոնգրեսը սեպտեմբերի սկզբին վերադառնա արձակուրդից: Եթե Կոնգրեսի մեծամասնությունը նման նախագիծ ընդունի, ապա Թրամփը չի կարողանա դրա վրա վետո դնել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...