Թրամփը հայտարարել է, որ նախագահության երեք տարվա ընթացքում կորցրել է 3-5 մլրդ դոլար
ԱՄՆ նախագահ Դոնալդ Թրամփը հայտարարել է, որ նախագահության երեք տարվա ընթացքում կորցրել է 3-5 մլրդ դոլար, հաղորդում NBC news-ը:
Ընդ որում՝ ծախսերի մեծ մասը, Թրամփի խոսքով, փաստաբանների հոնորարներն են, որոնց նա ստիպված է վճարել, որպեսզի պաշտպանի իրեն տարբեր դատական գործերում:
«Նախագահությունն ինձ արժեցել է մի ամբողջ կարողություն... Հավանաբար 3 միլիարդից մինչև 5 մլրդ դոլար: Սակայն դա այնքան էլ էական չէ, երբ մենք հիանալի գործ ենք կատարում»,- ասել է Թրամփը Փիթսբուրգից ոչ հեռու գտնվող Shell նավթաքիմիական գործարանում ելույթի ժամանակ:
ԶԼՄ-ները նշում են, որ նախագահի հայտարարությունը ստուգելու հնարավորություն չկա, քանի որ նա չի հրապարակել իր հարկային հայտարարագիրը, իսկ նախկինում հաճախ է չափազանցրել ունեցվածքը:
Աղբյուրի հաղորդմամբ՝ ելույթի ժամանակ Թրամփն առիթը բաց չի թողել ԱՄՆ նախկին նախագահ Բարաք Օբամային քննադատելու համար:
Թրամփը հայտնել է, որ իրեն դատի են տվել նույնիսկ իր ունեցվածքի համար, մինչդեռ «ոչ ոք ուշադրություն չի դարձնում այն փաստի վրա, որ Օբաման իր գրքի համար ստացել է 60 մլն դոլար»:
«Դա բոլորի համար նորմալ է, թեև պատմության մեջ ոչ ոք երբեք այդքան գումար չի ստացել գրքի համար»,- դժգոհել է նախագահը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...