Հոնկոնգի օդանավակայանում բողոքի ակցիաների պատճառով ավելի քան 300 չվերթ է չեղարկվել
Երեքշաբթի ավելի քան 300 չվերթ է չեղարկվել Հոնկոնգի միջազգային օդանավակայանում, որը զանգվածային բողոքի ակցիաների պատճառով խափանումներով է աշխատում, հայտնում է South China Morning Post-ը:
Երկուշաբթի սրահներում հազարավոր ցուցարարներ էին կուտակվել՝ ստիպելով օդանավակայանի ղեկավարությանը չեղարկել բոլոր մեկնող երեկոյան չվերթները:
Նախատեսվում էր աշխատանքը կարգավորել երեքշաբթի առավոտյան, բայց դեռ չի հաջողվել անել այդ:
Մասնավորապես, տասնյակ չվերթներ չեղյալ է հայտարարել տեղական խոշորագույն Cathay Pacific ավիաընկերությունը: Երեքշաբթի հոնկոնգյան ֆոնդային բորսայում նրա բաժնետոմսերի արժեքը նվազել է 4,3 տոկոսով:
Ժամանման սրահում բողոքի ակցիան սկսվել է ուրբաթ եւ պետք է շարունակվեր 3 օր:
Սակայն նրա մասնակցիները որոշել են միջազգային օդանավակայան վերադառնալ էլ ավելի մեծ թվով այն լուրերից հետո, որ կիրակի ոստիկանը պատահաբար դուրս է հանել ակտիվիստ կնոջ աչքը՝ ցույցը ցրելու ժամանակ կրակելով տրավմատիկ զենքից:
Տեղական հեռուստաալիքները հայտնում են, որ ցուցարարների կուտակում է նկատվում ոչ միայն ժամանման, այլ մեկնելու սրահում: Ավելի վաղ օդանավակայանի աշխատակազմը զգուշացրել էր, որ մեկնելու սրահում գրանցման սեղաններին կկարողանան մոտենալ միայն տոմսեր ունեցող ուղեւորները:
Ավելի քան 2 ամիս առաջ Հոնկոնգում մեկնարկել են զանգվածային բողոքի ակցիաներ տեղական իշխանությունների նախաձեռնած օրինագծի դեմ, որի նպատակադրվել է կարգավորել Հոնկոնգից մայրցամաքային Չինաստան արտահանձնելու մեխանիզմը ՝ անձանց դատական հետապնդման համար, որոնք կասկածվում են Չինաստանի օրենքները խախտելու մեջ կամ հետախուզվում են:
Հասարակության ճնշման ներքո տեղական ինքնակառավարման մարմնի ղեկավար Քերի Լամը օրինագիծը հանել էր օրակարգից, բայց դա չէր դադարեցրել հակակառավարական բողոքների ալիքը:
Կիրակի քաղաքի տարբեր շրջաններում հերթական չթույլատրված հակակառավարական ցույցերն անցկացվեցին:
Երեկոյան իրավապահները արցունքաբեր գազ եւ ռետինե փամփուշտներ էին կիրառել: 40 մարդ վիրավորվել էր: Ցուցարարները ոստիկանությանը մեղադրում են ավելորդ դաժանության մեջ եւ նոր խոշոր ակցիաներով են սպառնում, այդ թվում օդանավակայանում:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...