Ղրղզստանում դատարանն արգելանքի տակ է առել Աթամբաևին պատկանող հեռուստաալիքն ու ընկերությունը
Ղրղզստանում դատարանն արգելանքի տակ է առել երկրի նախկին նախագահ Ալմազբեկ Աթամբաևին պատկանող հեռուստաալիքն ու «Մեդիա Ֆորում» ընկերությունը, հայտնում է rbc.ru-ն՝ երկրի ներքին գործերի նախարարության կայքին հղումով:
Ավելի վաղ Kaktus media տեղական պարբերականը հայտնել էր, որ երկրի ուժային մարմինների աշխատակիցները կապարակնքել են Բիշքեկում «Ֆորում»-ի շենքի դռները, որտեղ գտնվում է Աթամբաևի գրասենյակը: Հենց այդտեղ է գտնվում նաև նրան պատկանող հեռուստաալիքի շենքը:
«Հեռուստաալիքի աշխատակիցներին 10 րոպե են տվել անձնական իրերը հավաքելու համար, ինչից հետո նրանք լքել են շենքը»,- հայտնել է թերթի լրագրողը:
Հիշեցնենք, որ Աթամբաևը երկու օր առաջ ինքնակամ հանձնվել է իշխանություններին, այժմ նա գտնվում է քննչական մեկուսարանում: Նա կալանքի տակ կմնա մինչև օգոստոսի 26-ը:
Հինգշաբթի ուժայինների և քաղաքական գործչի կողմնակիցների միջև բախումների հետևանքով տուժածների թիվը հասել էր 98-ի:
Օրերս հատուկ ծառայությունները գործողություն էին սկսել Աթամբաևի ձերբակալման համար: Գործողությունը սկսվել էր Կոյ Տաշ գյուղում՝ նրա կեցավայրի տարածքում: Նրան ձերբակալելու պատճառ է դարձել այն, որ նա երեք անգամ չի ներկայացել հարցաքննության՝ որպես քրեական հեղինակություն Ազիզ Բատուկաևին ապօրինի ազատ արձակելու գործով վկա:
Աթամբաևը Ղրղզստանի նախագահ է եղել 2011-2017 թվականներին: Նա ընտրությունների արդյունքում իշխանությունը փոխանցել է Սոորոնբայ Ժեենբեկովին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...