Իտալիայում կալանավորել են «Նդրանգետա» մաֆիայի հետախուզվող պարագլխին
Իտալիայի պետական ոստիկանության հատուկ ստորաբաժանման աշխատակիցները ուրբաթ Կալաբրիա հարավային մարզում կալանավորել են հզորագույն հանցավոր կազմակերպություն «Նդրանգետայի» վտանգավոր պարագլուխներից մեկին՝ Դոմենիկո Կրեային, որը գրեթե 5 տարի համազգային հետախուզման մեջ էր, լրագրողներին հայտնել է մարզային իրավապահ մարմինների ներկայացուցիչը, փոխանցում է «ՌԻԱ Նովոստի»-ն:
Կրեան, որը 2015 թվականին ներառվել էր Իտալիայի առավել վտանգավոր հանցագործների ցուցակի մեջ եւ հետախուզվում էր, Կալաբրիայում գլխավորում էր ամենախոշոր մաֆիոզ գերդաստաններից մեկը: Նա 2015 թվականին առաջին ատյանի դատարանի կողմից դատապարտվել էր 15 տարվա ազատազրկման մի շարք ծանր հանցագործությունների համար, այդ թվում՝ մաֆիոզ գործունեությանը եւ շորթմանը մասնակցության համար: Սակայն նրա կատարած հանցագործությունների դատավարությունը շարունակվել է: Արդյունքում՝ այս տարվա ապրիլին Կրեայի նկատմամբ կայացվել է վերջնական դատավճիռ. նա դատապարտվել է 21 տարվա բանտարկության:
Կալաբրիայի իրավապահների տեղեկություններով՝ 37-ամյա մաֆիոզը կալանավորվել է լուսաբացին Սանտա Դոմենիկա դի Ռիկադի քաղաքի ոչ մեծ վիլլայում: Կալանավորելու պահին նրա հետ են եղել կինը եւ երկու անչափահաս երեխաները: Հանցագործի մոտից առգրավվել է 5 հազար եվրո:
Իտալիայի ՆԳՆ ղեկավար Մատեո Սալվինին շնորհավորել է իրավապահներին հաջողության համար՝ նշելով, որ Կրեան Կալաբրիայում վերջին ծանր հանցագործն էր, որն արդարադատությունից թաքնվում էր:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...