ԱՄՆ-ի սենատում ցանկանում են սահմանափակել միջուկային տեխնոլոգիաների արտահանումը Էր Ռիադին
Ամերիկյան սենատորների միջկուսակցական խումբը առաջ է քաշել օրինագիծ, որը սահմանափակում է Սաուդյան Արաբիային միջուկային տեխնոլոգիաների փոխանցումը, հաղորդում է Foreign Policy-ն՝ վկայակոչելով փաստաթղթի նախագիծը, որը հայտնվել է լրագրողների տրամադրության տակ, հաղորդում է «ՌԻԱ Նովոստին»:
Նախաձեռնությունը, որն առաջ է քաշվել հանրապետական սենատոր Լինդսի Գրեմի եւ դեմոկրատ Քրիս Վան Հոլենի կողմից, արգելում է ԱՄՆ Արտահանման-ներկրման բանկին (Export-Import Bank) ֆինանսավորել Սաուդյան Արաբիային միջուկային տեխնոլոգիաների արտահանումը, ինչպես նաեւ նախատեսում է միջուկային համագործակցության վերաբերյալ համաձայնագրերից հրաժարում եւ Էր Ռիադի նկատմամբ սահմանափակ միջազգային ստանդարտների կիրառում, որոնք ուղղված են միջուկային զենքի չտարածմանը:
Փաստաթղթում ասվում է, որ Export-Import Bank-ին կարգելվի վարկավորել միջուկային տեխնոլոգիաների սաուդյան գնորդներին, մինչեւ որ Էր Ռիադը չհրաժարվի հարստացումից եւ ուրանի վերամշակումից:
Թագավորությանը վերաբերող այլ պահանջների թվում Ատոմային էներգիայի մասին ամերիկյան ակտի շրջանակում համագործակցության մասին պայմանագրի ստորագրումն է եւ ԱԷՄԳ քաղաքականության հետ համաձայնեցված անվտանգության վերաբերյալ լրացուցիչ արձանագրությունների վավերացումը:
Օրինագծի հեղինակները հայտարարում են, որ սաուդյան կառավարությունը մինչեւ հիմա շատ քիչ պատրաստկամություն է ցույց տվել միջուկային զենքի չտարածման ուժեղ միջոցների ընդունմանը՝ չնայած մասշտաբային ատոմային ծրագրի զարգացման ծրագրերին:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...