ԱՄՆ-ն օգոստոսի 2-ին պաշտոնապես դուրս կգա Ռուսաստանի հետ Միջին ու փոքր հեռահարության հրթիռների ոչնչացման մասին պայմանագրից
Միացյալ Նահանգներն օգոստոսի 2-ին պաշտոնապես կլքի Միջին ու փոքր հեռահարության հրթիռների ոչնչացման մասին Ռուսաստանի հետ կնքած պայմանագիրը, գրում է tass.ru-ն: Այս մասին հայտարարել է ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը:
Նա հերթական անգամ մեղադրել է Ռուսաստանին պայմանագիրը խախտելու համար: «Միացյալ Նահանգները չափազանց երկար ժամանակ պահպանել է պայմանագրի կետերը, մինչդեռ Ռուսաստանը շարունակել է իր սպառազինությունն արդիականացնելու նպատակով բալիստիկ և հիպերձայնային համակարգեր ստեղծել՝ խախտելով պայմանագիրը»,- հայտարարել է Բոլթոնը:
Նա նաև նշել է, որ պայմանագիրը «կապել է ԱՄՆ-ի ձեռքերը», իսկ այդ ընթացքում Չինաստանը միջին հեռավորության սեփական զինամթերք է ստեղծել, քանի որ սահմանափակված չի եղել որևէ պայմանագրով:
«Մենք որոշեցինք արձակել մեր ձեռքերը, որպեսզի կարողանանք արդյունավետ կերպով պաշտպանել Ամերիկան 21-րդ դարում»,- ընդգծել է խորհրդականը:
Ռուսաստանի հետ Միջին և փոքր հեռահարության հրթիռների ոչնչացման մասին պայմանագրից դուրս գալու գործընթացը սկսվել էր փետրվարի 2-ին: Ամերիկյան կողմը, մեղադրելով ռուսական կողմին պայմանագիրը խախտելու համար, հայտարարել էր, որ եթե Ռուսաստանը երկամսյա ժամկետում չվերադառնա պայմանագրի լիարժեք իրականացմանը, պայմանագիրը կչեղարկվի:
Ի պատասխան՝ Մոսկվան հայտարարել էր, թե այս պայմանագրի չեղարկումը կնշանակի, որ աշխարհում սկսվում է սպառազինության նոր մրցավազք, ինչպես Սառը պատերազմի տարիներին, և այդ մրցավազքը վերահսկող կամ կանխող միջազգային իրավական դաշտ չի լինի:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...