Ֆրանսիան պատասխանել է պատժամիջոցների վերաբերյալ Թրամփի սպառնալիքներին
Ֆրանսիան մտադիր չէ չեղարկել տեխնոլոգիական ոլորտի հսկաների նկատմամբ սահմանած տուգանքը՝ չնայած ԱՄՆ-ի սպառնալիքներին։ Այս մասին Reuters գործակալությանը հայտնել է Ֆրանսիայի ֆինանսների նախարար Բուրնո Լե Մերը։
Նա ասել է, որ Ֆրանսիան հարկերը կգործադրի ամեն պարագայում քանի որ թվային գործունեության ընդհանուր հարկումն այնպիսի խնդիր է, որը բոլորին է վերաբերում։
Ֆրանսիայի նախագահ Էմանուել Մակրոնը և իր ամերիկացի պաշտոնակից Դոնալդ Թրամփը համաձայնել էին, որ G7-ի համաժողովը, որն անց կկացվի օգոստոսին՝ Ֆրանսիայի Բիարից քաղաքում, լավ հարթակ կհանդիսանա թվային ընկերությունների հարկման ընդհանուր ծրագիր ներմուծելու համար։
Հուլիսի 11-ին Ֆրանսիայի խորհրդարանն օրենքի նախագիծ էր ընդունել, որով նախատեսվում է տեխնոլոգիական ոլորտի ընկերությունների նկատմամբ հատուկ թվային ծառայություններից տարեկան ընդհանուր եկամուտի 3%-ի չափով թվային ծառայությունների հարկ սահմանել:
Լրատվամիջոցների տվյալներով՝ խոսքը կարող է այնպիսի խոշոր ընկերությունների մասին լինել, ինչպիսիք են Amazon-ը, Apple-ը, Facebook-ը, Google-ը:
Հարկը պետք է թույլ չտա, որ անդրազգային ընկերությունները Եվրամիության՝ ցածր հարկային մակարդակով երկրներում գլխամասեր տեղակայելու միջոցով խուսափեն հարկերի վճարումից։ Ներկայումս այն Google, Amazon, Facebook, Apple, Airbnb, Uber և նմանատիպ այլ ընկերություններ այնպիսի երկրներում, ինչպիսին Ֆրանսիան է, շատ քիչ հարկ են մուծում։
Հիշեցնենք, որ երեկ Թրամփը սպառնացել էր բարձրացնել Ֆրանսիայից ներկրվող գինու մաքսատուրքերը՝ ի պատասխան այդ երկրի կողմից ամերիկյան տեխնոլոգիական ընկերությունների նկատմամբ սահմանված հարկի:
Նա մասնավորապես սպառնացել է բարձրացնել Ֆրանսիայից ներկրվող գինու մաքսատուրքերը։ Նախագահը հայտարարել է, որ եթե որևէ երկիր պետք է հարկի այդ ընկերություններին, դա նրանց հայրենիքը՝ ԱՄՆ-ն է:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...