Ղրղզստանի նախկին նախագահ Աթամբաեւը մտադիր է հեռանալ երկրից
Ղրղզստանի նախկին նախագահ Ալմազբեկ Աթամբաեւը չորեքշաբթի հայտարարել է լրագրողներին, որ երկրից կհեռանա Կանտա քաղաքի ռուսական ավիաբազայից։
«Կթռչեմ Կանտայից։ Չէ, չմտածեք, ռմբակոծիչ չէ, ոչ էլ կործանիչ, սովորական ինքնաթիռ է»,- ասել է նա։
Երկուշաբթի Ղրղզստանի նախկին նախագահն ասել էր, որ նախատեսում է թռչել Մոսկվա չորեքշաբթի «մի երկու օրով»։ Ուղեւորության նպատակի մասին Ռուսաստանի մայրաքաղաքում հանդիպումերի ժամանակ Աթամբաեւը չի նշել՝ ասելով, որ դա «կոնֆիդենցիալ տեղեկատվություն» է։
Անցած շաբաթ միլիցիայի աշխատակիցները երրորդ անգամ Աթամբաեւին կանչել էին հարցաքննության երկրի ՆԳՆ Գլխավոր քննչական վարչություն ցուցմունքներ տալու համար որպես վկա քրեական հեղինակություն Ազիզ Բատուկաեւին ապօրինի ազատ արձակելու գործով։ Բայց այդ ծանուցումը նախկին նախագահը, ինչպես եւ նախորդ երկուսը, անտեսել է՝ ասելով, որ «անգամ ձեռքը չի վերցնի դրանք»։ Ղրղզական օրենքներով երեք չներկայանալուց հետո իրավապահ մարմինները իրավունք ունեն հարկադրաբար բերման ենթարկելու վկային։ Ավելի վաղ աղբյուրը ՆԳՆ-ում ՌԻԱ «Նովոստի»-ին ասել էր, որ ներկա պահին Աթամբաեւի թռիչքի ոչ մի սահմանափակում չկա։
Ղրղզստանի խորհրդարանը հունիսի 20-ին դատախազություն էր հանձնել նախկին նախագահի մեղադրանքների ցանկը, որը պատրաստել է հատուկ պատգամավորական հանձնաժողովը։ Վերահսկիչ մարմինը եզրակացություն է տվել այն մասին, որ նախկին նախագահը կարող է հանցակից լինել կոռուպցիայի, Բիշքեկի ՋԷԿ-ի արդիականացման, կեղծ բժշկական տեղեկանքներով Ազիզ Բատուկաեւի ազատ արձակման, հողերի ապօրինի սեփականաշնորհման եւ այլ գործերում։ Եթե դատարանը Աթամբաեւին մեղավոր ճանաչի, նրան կարող է ցմահ բանտարկություն սպառնալ։
Աթամբաեւն ինքը խորհրդարանականների մեղադրանքներն անվանել է «անհեթեթ» եւ ասել, որ մաքուր է ժողովրդի առջեւ եւ պատրաստ է պատասխան տալ իր բոլոր արարքների համար։
Ալմազբեկ Աթամբաեւը երկիրը ղեկավարել է 2011-2017 թվականներին։ Նա միակ համաժողովրդական ընտրված նախագահն է, որը կամովին իշխանությունը ընտրություններից հետո տվեց պետության նոր ղեկավար Սոորոնբայ Ժեենբեկովին։
Ժեենբեկովի՝ պաշտոնն ստանձնելուց շատ չանցած Աթամբաեւի թիմի մի շարք պաշտոնյաների հանդեպ քրեական գործեր հարուցվեցին կոռուպցիոն հոդվածներով։ Դատի տակ են երկու նախկին վարչապետերը, մայրաքաղաքի երկու նախկին քաղաքապետերը եւ մի շարք այլ հայտնի քաղաքական գործիչներ։ Նրանք բոլորը քանիցս իրենց մեղադրանքներն անվանել են «քաղաքականացված»։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...