Դեմոկրատների պնդմամբ Մյուլերի զեկույցում Թրամփի կողմից հանցագործություն կատարելու ապացույցներ կան
Միացյալ Նահանգների նախագահ Դոնալդ Թրամփը լուրջ օրինախախտումներ է թույլ տվել և դրանց մասին հիշատակումները զետեղված են հատուկ դատախազ Ռոբերտ Մյուլերի պատրաստած զեկույցի ամբողջական տարբերակում. Կոնգրեսի Ներկայացուցիչների պալատի Իրավական հանձնաժողովի նախագահ, Նյու Յորքից ընտրված դեմոկրատ Ջերոլդ Նադլերը նման հայտարարությամբ հանդես եկավ կիրակի երեկոյան ամերիկյան Fox News հեռուստաընկերության եթերում:
«Ես կարծում եմ, որ դա շատ կարևոր է` [Մյուլերի] զեկույցում հիմնավոր ապացույցներ կան, որ նախագահը մեղավոր է հանցագործությունների և իրավախախտումների կատարման համար: Մենք պետք է թույլ տանք, որպեսզի Մյուլերը այդ բոլոր փաստերը ներկայացնի ամերիկյան ժողովրդին և տեսնենք, թե ինչպես կզարգանան իրադարձությունները: Վարչակազմը պետք է հաշվետու լինի, և որևէ նախագահ չպետք է իրեն օրենքից վեր դասի», ֊ հայտարարում էր Նադլերը:
Առաջիկա չորեքշաբթի Կոնգրեսում նախագահ Թրամփի գործունեությանը վերաբերող հատուկ լսումներ կանցկացվեն: Դրանց ընթացքում դեմոկրատները պահանջելու են Ռոբերտ Մյուլերից ներկայացնել վերը հիշատակված փաստերը:
Ամերիկյան մի շարք լրատվամիջոցների պնդմամբ, հատուկ դատախազի զեկույցում նման փաստերի առկայությունը կարող է Թրամփի պաշտոնազրկման գործընթաց սկսելու իրավական հնարավորություն ընձեռել:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...