Թրամփը Նեթանյահուին շնորհավորել է Իսրայելի վարչապետի պաշտոնում գտնվելու ռեկորդային ժամկետի առիթով
ԱՄՆ նախագահ Դոնալդ Թրամփը կիրակի շնորհավորել է Իսրայելի վարչապետ Բենիամին Նեթանյահուին վարչապետի պաշտոնում գտնվելու ռեկորդային ժամկետի առիթով, տեղեկացնում է ՏԱՍՍ-ը։
«Շնորհավորում եմ Բիբի Նեթանյահուին Իսրայելի վարչապետի պաշտոնում ռեկորդային ժամկետով գտնվելու համար»,- գրել է Թրամփը Թվիթերի իր էջում։
ԱՄՆ նախագահը նաեւ նշել է, որ Նեթանյահուի ղեկավարության ընթացքում Իսրայելը դարձել է տեխնոլոգիական կենտրոն եւ համաշխարհային կարգի տնտեսություն։ «Ամենակարեւորն այն է, որ դուք ղեկավարում եք Իսրայելը՝ պահպանելով հավատրամությունը դեմոկրատիայի արժեքներին, ազատությանը եւ հավասար հնարավորություններին, որոնք հարգում եւ կիսում են մեր երկու երկրները»,- ասել է Թրամփը։
Շաբաթ օրը 69-ամյա Նեթանյահուն գերազանցեց հրեական պետության հիմնադիր հոր՝ Դավիթ Բեն-Գուրիոնի ռեկորդը վարչապետի պաշտոնում գտնվելու ժամկետով։ Նա Իսրայելի անփոփոխ վարչապետն է 2009 թվականի մարտի 31-ից։ Մինչ այդ գլխավորել է երկրի կառավարությունը 1966-1999-ին։ Հուլիսի 20-ի դրությամբ նա վարչապետի պաշտոնն ընդհանուր առմամբ զբաղեցնում է 4876 օր կամ ավելի քան 13 տարի։
Հաջորդ խորհրդարանական ընտրությունները երկրում նշանակված են սեպտեմբերի 17-ին։ Դրանք ժամանակակից Իսրայելի պատմության մեջ առաջին կրկնակի ընտրություններն են, ինչը պայմանավորված է նրանով, որ Նեթանյահուն չկարողացավ ձեւավորել կայուն կառավարական կոալիցիա նախորդ ընտրությունների արդյունքներով, որոնք տեղի են ունեցել ապրիլին։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...