Կրուիզային նավը փրկել է 111 միգրանտների կյանքը Միջերկրական ծովում
Հունաստանի ափերի մոտ Marella Discovery կրուիզային նավն ընդունել է 111 միգրանտների, որոնց թվում եղել են 33 անչափահասներ: Այդ մասին հայտնել է հունական ափային անվտանգությունը, հաղորդում է DW-ը:
Իտալիա ուղեւորվող փախստականներով նավը սկսել է խորտակվել նախօրեին հունական Պելոպոնես թերակղզուց դեպի արեւմուտք շուրջ 40 ծովային մղոն հեռավորության վրա: Հայտնի չէ, թե որ երկրներից էին փախստականները: Բոլոր փրկվածները ժամանել են հունական Քալամաթի քաղաքի նավահանգիստ:
Այն պահից, երբ երկրները, որոնց միջով անցնում է այսպես կոչված բալկանյան երթուղին, խստացրել էին իրենց սահմանների պահպանությունը, բազմաթիվ միգրանտներ փորձում են հասնել Հունաստանից կամ Թուրքիայից դեպի Իտալիա ծովային ճանապարհով:
Ավելի վաղ՝ հուլիսի 21-ին, «Բժիշկներ առանց սահմանների» եւ SOS Méditerranée բարեգործական կազմակերպությունները հայտարարել էին Միջերկրական ծովում փրկարարական առաքելության վերսկսման մասին: Հուլիսի վերջին այդ պարտականությունը կստանձնի Ocean Viking նավի անձնակազմը, որը կփոխարինի Aquarius նավին, որն ավելի վաղ զրկվել էր Ջիբլարթարի եւ Պանամայի դրոշի ներքո երթեւեկելու իրավունքից:
Միջերկրական ծովի կենտրոնական մասը փախստականների համար աշխարհում ամենավտանգավոր երթուղին է, նշում են «Բժիշկներ առանց սահմանների» կազմակերպության ներկայացուցիչները: 2019 թվականին այդ տարածքով տեղափոխվելիս զոհվել է առնվազն 426 մարդ, այդ թվում՝ երեխաներ:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...