Վրաստանի հանդեպ «գինու» պատժամիջոցների թեման փակ է. ՌԴ ԱԳՆ
Ռուս օրենսդիրները քննարկել են Ռուսաստան մի շարք ապրանքների մատակարարումն արգելելու հարցը Վրաստանում հունիսի վերջի-հուլիսի սկզբի իրադարձությունների համատեքստում, սակայն այսօր Վրաստանի հանդեպ «գինու» պատժամիջոցների թեման փակ է, ՌԻԱ «Նովոստի»-ին հարցազրույցում ասել է ՌԴ փոխարտգործնախարար Գրիգորի Կարասինը։
Նա նշել է, որ Ռուսաստանում, «որն ինքը բազմամյա պատժամիջոցային ճնշման օբյեկտ է հանդիսանում, ձգտում են խիստ զգուշորեն մոտենալ նման սահմանափակիչ միջոցներ մտցնելուն այլ երկրների հանդեպ»։
«Իսկապես, Վրաստանում այս տարվա հունիսի վերջի-հուլիսի սկզբի իրադարձությունների ֆոնին Պետդումայում քննարկվել է Ռուսաստան վրացական գինու եւ հանքային ջրերի մատակարարումն արգելելու գաղափարը։ Բայց Ռուսաստանի Դաշնության նախագահը զսպվածության կոչ է արել եւ արտահայտվել է հավասարակշռված մոտեցման օգտին՝ առաջնորդվելով նաեւ մեր շահերով, եւ, ինչպես նա է նշել, «վրաց ժողովրդի հանդեպ հարգանքով»։ Այսպիսով, այսօր «գինու» պատժամիջոցների թեման Վրաստանի հանդեպ փակ է»,- ասել է Կարասինը։
Ինչ վերաբերում է ավելի վաղ ուժի մեջ մտած Ռուսաստանի Դաշնության նախագահի հրամանագրին, որով հուլիսի 8-ից արգելվում էին օդային փոխադրումները Վրաստան, ապա այն կրում է ժամանակավոր բնույթ։ Դրա չեղարկման պայմանները հստակ նշված են. Վրաստանում իրավիճակի կայունացում, ռուսատյաց քարոզչության դադարեցում եւ մեր քաղաքացիների անվտանգության ամեն սպառնալիքի վերացում»,- ավելացրել է փոխարտգործնախարարը։
Նա նաեւ ընդգծել է, որ Ռուսաստանն իր կողմից տրամադրված է երկկողմ հարաբերությունների կարգավորմանը, ինչը լիովին համապատասխանում է մեր երկրների եւ ժողովուրդների շահերին։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...