Կիևը Մոսկվային առաջարկում է միաժամանակ ազատ արձակել Սենցովին և Վիշինսկուն
Ուկրաինայի նախագահի աշխատակազմը Ռուսաստանի իշխանություններին առաջարկել է միաժամանակ ազատ արձակել Ռուսաստանում ազատազրկման դատապարտված ուկրաինացի ռեժիսոր Օլեգ Սենցովին և Կիևում ձերբակալված «ՌԻԱ Նովոստի Ուկրաինա»-ի ղեկավար Կիրիլ Վիշինսկուն: Այս մասին ֆեյսբուքյան իր էջում գրել է Ուկրաինայի նախագահի խոսնակ Յուլիա Մենդալը:
Այսպիսով Կիևը արձագանքում է Ռուսաստանի նախագահի խոսնակ Դմիտրի Պեսկովի առաջարկությանը՝ որպես երկու երկրների միջև հարաբերությունների բարելավման առաջին քայլ ազատ արձակել Վիշինսկուն:
«Լիովին աջակցում ենք բարի կամքի քայլերին ուղղված քաղաքականությանը և առաջարկում Ռուսաստանին անել իր պատասխան քայլը՝ ազատ արձակել Օլեգ Սենցովին: Եվ ընդհանուր բարի կամքի, փոխադարձ վստահության համար առաջարկում ենք դա անել միաժամանակ», - գրել է Մենդալը:
Ղրիմում ծնված ուկրաինացի Սենցովը ձերբակալվել է 2014 թվականի օգոստոսին՝ Ռուսաստանի կողմից թերակղզին բռնակցելուց հետո: Ռուսաստանի իշխանությունները պնդում են, թե Ղրիմի ռուսամետ իշխանությունների ընդդիմախոս 42-ամյա ռեժիսորը մի քանի այլ անձանց հետ հրդեհել է ոստիկանական բաժանմունքն ու ահաբեկչություններ ծրագրել Ղրիմում, սակայն այս մեղադրանքը հիմնավորող ապացույցներ չեն հրապարակվել:
Կիրիլ Վիշինսկին ձերբակալվել է 2018 թվականի մայիսին: Ուկրաինայի իրավապահները նրան մեղադրում են դավաճանության մեջ:
Ռուսաստանի կողմից Ղրիմի բռնակցումից ի վեր ռուսաստանյան և ուկրաինական իշխանությունների կողմից ձերբակալվել են երկու երկրների հարյուրավոր քաղաքացիներ: Վերջերս տեղի ունեցած հեռախոսազրույցի ընթացքում նախագահներ Վլադիմիր Պուտինը և Վլադիմիր Զելենսկին քննարկել են գերիներին «բոլորը՝ բոլորի դիմաց» սկզբունքով ազատ արձակելու հնարավորությունը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...