Ռուսաստանի ԱԳՆ-ում չեն բացառել Վրաստանի քաղաքացիների համար վիզային ռեժիմի չեղարկումը
Մոսկվան նախկինի պես չի հրաժարվում Վրաստանի քաղաքացիների համար վիզային ռեժիմի չեղարկման հնարավորությունից, գրում է ria.ru-ն՝ հղում կատարելով Ռուսաստանի փոխարտգործնախարար Գրիգորի Կարասինի հաղորդագրությանը:
«Վրաստանի հետ վիզային ռեժիմի չեղարկման հարցն ինչպես առաջ, այնպես էլ ներկայում մնում է Ռուսաստանի քաղաքական ղեկավարության տեսադաշտում: Կարծում եմ՝ Թբիլիսիի՝ մեր երկրի հետ հարաբերությունների կարգավորմանն ուղղված իրական քայլերը կարող են այս հարցը երկկողմ օրակարգ վերադարձնել»,-հայտնել է նա:
Խոսելով երկու երկրների միջև ավիահաղորդակցության վերականգնման հարցի մասին՝ նա հայտնել է, որ «կցանկանար հավատալ, որ ողջամտությունը Թբիլիսիում կհաղթի»:
«Պայմանները հստակ նշված են. Վրաստանում իրավիճակի կայունացում, ռուսատյացության արշավի դադարեցում և մեր քաղաքացիների անվտանգության համար ցանկացած սպառնալիքի վերացում»,- նշել է Կարասինը:
Հիշեցնենք, որ հունիսի 20-ին Թբիլիսիում բողոքի զանգվածային ակցիաներ էին սկսվել ՌԴ պետդումայի պատգամավոր Սերգեյ Գավրիլովի ելույթի պատճառով, որը ներկա էր եղել Վրաստանում անցկացվող Ուղղափառության միջխորհրդարանական վեհաժողովի նիստին: Նիստի մեկնարկից հետո նա նստել էր խորհրդարանի խոսնակի աթոռին և հավաքվածներին ռուսերենով ուղերձ հղել:
Թբիլիսիում բողոքի ցույցերի ֆոնին Ռուսաստանի Դաշնության նախագահ Վլադիմիր Պուտինը հրամանագիր էր ստորագրել, որը ռուսական ավիաընկերություններին արգելել է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Նշվում է, որ հրամանագիրն ստորագրվել է Ռուսաստանի և նրա քաղաքացիների անվտանգության նկատառումներով և գործելու է ժամանակավոր:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...